एजेन्सी ।

अष्ट्रेलियाको ब्रिसबेनमा गरिएको एक अध्यनले मेथीका दानाको सेवनबाट यौन शक्तिमा अत्याधिक वृद्धी हुने र कामेच्छा पनि बढ्ने तथ्य बाहिर आएको छ ।

ब्रिसबेनस्थित आणविक चिकित्सा केन्द्रका अनुसन्धानकर्ताले मेथीमा पुरुषका लागि कामेच्छा र यौन शक्ति बढाउने तत्व पाइने खुलासा गरेका हुन् ।



मेथी नेपाल र भारतमा मसलाकोरुपमा नियमित प्रयोग हुने खाद्य हो । मेथीका दानामा हामीले सोंचेको भन्दा कैयौ धेरै फाइदा हुने अध्यनका क्रममा पाइएको छ ।

यौन क्रिडाको अवधी लम्ब्याउनका लागि पश्चिमा औषधीहरु प्रयोग भैरहेको समयमा पश्चिममा नै गरिएको अध्यनमा भने मेथी यसका लागि प्रभावकारी रहेको तथ्य बाहिर आएको हो ।

मेथीको विउमा पाइने स्यापोनीन नामको तत्व पुरुषमा पाइने टेस्टोस्टेरोन हरमोनमा उत्तेजना पैदा गर्न प्रभावकारी मानिन्छ । स्वस्थ सेक्स लाइफका लागि नियमित मेथी सेवन गर्नु राम्रो भएको अनुसन्धानकर्ताले बताएका छन् ।

मेथी गर्मी गराउने भएकाले अत्याधिकमात्रामा मेथी सेवन गर्नु भने त्वचाका लागि घातक हुन सक्ने उनीहरुले बताएका छन् ।

 फेसबुकमा साथीले अनौठा संकेत राखेर स्टाटस लेखेको देख्दा तपाइलाई अचम्म लाग्छ होला । किबोर्डमा नभएका यस्ता अनौठा तर रमाइला संकेत कसरी आफ्नो स्टाटसमा राख्ने ?

तर, तपाईले किबोर्डमा केही नम्बरहरु हानेर यस्ता अनौठा संकेत सजिलै देखाउन सक्नुहुन्छ । खासगरी म्युजिक, मुटु, पिपलपात, ट्रेडमार्क, कपिराइट जस्ता महत्वपूर्ण संकेतका लागि तपाईले यस्तो सर्टकर्ट कि प्रयोग गर्न सक्नुहुन्छ ।

एजेन्सी ,,

चिनियाँ डाक्टरहरुले पेटमा नाक तथा खुट्टामा हातको कलमी गरेको र त्यसरी टुसाएका अंगलाई वास्तविक ठाउँमा लगेर जोडेको समाचार केही समय पहिले आएका थिए । चिकित्सा जगतको यस्तो आश्चर्यजनक सफलताले उपचार पद्दतिमै नयाँ आयाम ल्याइदिएको छ ।
हुन त थ्री डी प्रिन्टरबाटै मानिसका अंगहरु नै प्रिन्टर गरेर निकाल्ने र त्यसलाई चाहिएको ठाउँमा प्रत्यारोपण गर्ने जमाना समेत आइसकेको छ । चिकित्सा क्षेत्रको यो चमत्कार अब चीन तथा पश्चिमा देशहरुमा मात्र सीमित रहेन । हाम्रो छिमेकी देश भारतका डाक्टरहरुले पनि यस्तै चमत्कार गरिदिएका छन् ।
भारतको दिल्लीस्थित एक अस्पतालका डाक्टरहरुले मानिसको हातमा कान उमारिदिएका छन् । दिल्लीको जयप्रकाश अस्पतालका प्लास्टिक सर्जरी विभागका डाक्टरहरुले विरामीको छातीबाट छाला तथा मांशपेशी निकालेर त्यसलाई हातमा प्रत्यारोपण गरी त्यसबाट हातमै कान उमारिदिएका छन् । बिरामीको हातमा एउटा कान पूर्णरुपमा विकशित भैसकेको छ र अब यसलाई कानको ठाउँमै लगेर प्रत्यारोपण गर्ने तयारी भैरहेको छ ।
विभागका डाक्टर पीएस भण्डारीका अनुसार यो कृत्रिम कान हो । उनका अनुसार छातीबाट निकालिएको छालासहितको मासुको डल्लोलाई हातमा कलमी गरियो र विशेष प्रविधिबाट त्यसलाई कानको स्वरुपमा विकशित हुन दिइयो । दुबै कान जलेर बुच्चो भएका एक २२ वर्षका युवकमा यो प्रयोग गरिएको हो ।
यसरी हातमा कान उमार्नु सजिलो थिएन । डाक्टरहरुलाई यसो गर्न ठूलै मेहेनत गर्नुपर्यो र लामो समय पनि लाग्यो । यसलाई डाक्टरहरुले तीन चरणमा पूरा गरे ।
पहिलो चरणमा छातीबाट करङको पत्र निकालियो जुन कुरकुरे हड्डीजस्तै थियो । त्यसपछि त्यसलाई विशेष मेसिनमा हालेर कानको जस्तो फ्रेमवर्क बनाइयो ।

सुरुमा कोषिकाको फैलावटका लागि युवकको हातमा सुई दिइयो । त्यसपछि पाखुराको छालामा बेलुनजस्तो फोका उठ्यो । सोही भागमा सर्जरी गरेर कानजस्तो बनाइएको मासु प्रत्यारोपण गरियो । त्यसपछि प्रत्यारेपण गरिएको त्यो मासुको डल्लो ठ्याक्कै कानकै आकारमा विकाश हुन थाल्यो । अहिले पाखुरामा पूरै कान निर्माण भैसकेको देखिन्छ ।
डाक्टरहरु उक्त कानलाई हातबाट निकालेर अब टाउकाको जलेको कानमा लगेर प्रत्यारोपण गर्नेछन् ।

पछिल्लो समयमा कलेजोको समस्या बढिरहेको छ । खासमा हाम्रा बानीले नै हाम्रो स्वास्थ्यमा असर परिरहेको छ । हाम्रा कतिपय बानी नै हाम्रो स्वास्थ्यलाई समस्यामा पर्ने कारक बनिरहेका हुन्छन् ।

यहाँ तपाइँको कलेजोमा गम्भिर समस्या ल्याउन सक्ने ५ खराव बानीको चर्चा गरिएको छ ।

१ मदिराको लत

यदि तपाइँ नियमितरुपमा मदिरा सेवन गर्नु हुन्छ भने तपाइँको कलेजोमा गम्भिर समस्या हुन सक्छ । कलेजोले हाम्रो शरीरमा भएका विकारहरुलाई बाहिर निकाल्ने काम गर्छ । मदिरा सेवनले कलेजोमा यस्ता विकार हटाउने क्षमता कमजोर हुन्छ । लगातार मदिरा सेवन गर्ने ब्यक्तिको कलेजोले विस्तारै काम नै गर्न नसक्ने अवस्थामा पुग्छ । जुन लामो समयमा क्यान्सरको कारण समेत बन्न सक्छ । तसर्थ नियमित मदिरा सेवन नगर्नुस् ।

२ औषधीको बढी प्रयोग

खाद्य सामग्री होस वा औषधी कलेजोकै सहायताले नै पचाउन मद्धत गर्छ । यदी यी दुइ मध्ये कुनै पनि कुराको मात्रा बढी भो भने कलेजोमा असर पर्छ । खासगरी औषधीको अत्याधिक सेवनले कलेजो काम गर्न नसक्ने अवस्थामा पुग्न सक्छ । सके सम्म औषधी कम मात्रामा सेवन गर्नु पर्छ ।

३ धुम्रपान

सिगरेट पिउने बानी छ वा कुनै पनि धुवाँ आउने कुरा सेवन गर्नु हुन्छ भने तपाइँको कलेजोमा असर परिरहेको हुन्छ । यसले लामो समयमा दुष्परिणाम समेत निकाल्न सक्छ । सिगरेटमा हुने टक्सिक केमिकल कलेजोमा जान्छ त्यसले अक्सीडेटिव स्ट्रेस पैदा गर्छ । यसले लामो समय सम्म धुम्रपान गर्नेको कलेजो काम नगर्ने हुन पुग्छ ।

४ कम सुताइ

यदी तपाइँ निद्रा नपुग्ने गरी वा आराम नपुग्ने गरी सुत्नु हुन्छ भने तपाइँको कलेजो खतरामा हुन सक्छ । पेन्सिलभानिया विश्वविद्यालयमा गरिएको एक अध्यनले कम सुत्ने मानिसको कलेजोमा पनि चुरोट पिउने मान्छेमा जस्तै अक्सीडेटिव स्ट्रेस पैदा हुन्छ । यसले कलेजो मात्र विगार्ने नभएर अन्य समस्या समेत निकाल्न सक्छ ।

५ अनियमित खाना

मोटोपनको सिधा सम्बन्ध अनियमित खानासँग जोडिएको हुन्छ । भोजनमा भएका फ्याट कलेजोमा जम्मा हुँदा मानिसमा मोटोपनको समस्या र अस्वस्थता दुवै पैदा हुन्छ । दीर्घकालमा यसले पनि कलेजो विगार्छ ।

कारभित्र झोला होइन की झोलाभित्र कार राख्ने जमाना आएको छ । झोलाभित्र कार राखी उक्त झोला पिठ्युँमा बोकेर ठमठमी हिँड्ने र कार चढ्न मन लागेको बेला झोलाबाट कार निकालेर जोडजाड पारी चढेर गुडाउने दिन आउँदैछ ।
हो, जापानी इन्जिनियरले यस्तो पोर्टेबल कारको विकाश गरेका छन् जसलाई झोलाभित्र राख्न सकिन्छ । ‘वाककार’ नाको उक्त पोर्टेबल गाडी यति सानो छ की त्यसलाई ब्याकप्याक मा राख्न सकिन्छ र ३ घण्टाको चार्जिङ पछि १० किलोमिटर प्रतिघण्टाको गतिमा १२ किलोमिटर सम्म गुडाउन सकिन्छ । चढ्ने मानिसको वजनबाटै यो कारको गति नियन्त्रण गर्न सकिन्छ ।
२६ वर्षे इन्जिनियर कुनियाको साइटो र उनको टोलीले हालै कोकोआ मोटर्स कम्पनीमा लिथियम ब्याट्रीवाला ‘वाक कार’ निर्माण गरेका छन् । यो कार ल्यापटपको आकारको छ र सडकमा राख्दा स्केटबोर्ड जस्तो देखिन्छ ।

क्यान्सर गम्भिर प्रकारको रोग हो । जुनसुकै क्यान्सर लागेपनि पैसा र शरीर दुवैको क्षति हुन्छ । तर क्यान्सरलाई बेलैमा पहिचान गर्न सकियो भने रोकथाम पनि गर्न सकिन्छ ।

क्यान्सरका लक्षण देखिए भने पनि आत्तिइ हाल्नु हुँदैन । तर नियमितरुपमा जाँच र चिकित्सकको परामर्स भने लिनु पर्छ । हरेक जसो क्यान्सरमा देखिने ५ लक्षण यहाँ प्रस्तुत गरिएको छ । यी लक्षण देखिएभने कहिले पनि वेवास्ता नगर्नुस् ।

१ दुखाइ
शरीरको कुनै पनि अंग वा भागमा निरन्तर दुखाइ महसुस भयो भने यसलाई वेवास्ता नगर्नुस् । पेन किलर खाएर दुखाइ कम गर्ने मुर्खता पनि नगर्नुस् । महिलामा हुने स्तन क्यान्सर शुरुमा पत्ता लगाउन निक्कै गाह्रो हुन्छ ।


२ ज्वरो
ज्वरो आउनु पनि शरीरमा सञ्चो नभएको संकेत हो । नियमितरुपमा ज्वरो आउनु पनि क्यान्सरको लक्षण हुन सक्छ । क्यान्सर रोग लाग्ने समयमा विभिन्न प्रकारले लामो समय सम्म ज्वरो आउने समस्या हुन सक्छ । कहिले काँहि सिजलन ज्वरो आएको भनेर लापर्वाही गर्दा गम्भिर समस्या पनि हुन सक्छ ।



३ दुब्लाउँदै जानु वा वजन कम हुनु

यदि तपाइँ एकाएक दुब्लाउन थाल्नु भो वा शरीरको बजन १ वा डेढ सातामै १० प्रतिशत सम्म कम भएमा तत्काल जाँच गराउनुस् । कुनै शारीरक अभ्यास नै नगरीकन तौल घट्नु वा दुब्लाउनु राम्रो संकेत होइन । डाइटिङ नै गर्दा पनि एकाएक तौल घट्नु राम्रो संकेत होइन ।

४ थकान
जतिबेला पनि थकान र कमजोर अनुभव गर्न थाल्नु भो भने बुझ्नुस् शरीर अस्वस्थ छ । क्यान्सरका शुरुवाती लक्षणमा थकान र कमजोर हुनु पनि पर्छन् । खासगरी चुरोट वा खैनी सेवन गर्नेहरुलाई यसमा विशेष ध्यान दिनु पर्छ । कतिपय अवस्थामा रक्तचाप कम हुँदा पनि थकाइ लाग्ने र कमजोर महसुस हुने हुन्छ ।


५ तनाव
जतिबेला पनि तनाव हुन्छ । दिशा र पिसावको रंग बदलिएको छ भने सतर्क बन्नुस् । यस्तो अवस्थामा सके सम्म छिटो डाक्टरकोमा जानु राम्रो हुन्छ । अधिकाँश मानिस ब्यस्त जीवन नै तनावको कारण भन्ने ठान्छन् तर कहिले काँही यस्तो हुनु गम्भिर समस्याको संकेत हुन सक्छ । क्यान्सकार लक्षण मध्ये अत्याधिक तनाव र शरीर चिलाइरहने समेत पर्छन् ।

एजेन्सी ।

महंगो स्मार्टफोन साथमा हुँदा कतिबेला खस्ला कि कतै के होला कि भनेर डराइरहनु पर्छ । तर अव भने यसको समाधान आएको छ । संसारकै सबैभन्दा बलियो भनिएको स्मार्टफोन बजारमा आउन लागेको छ ।

कम्पनीले दावी गरे अनुसार यो फोन न त फुट्छ न त ह्याक नै हुन सक्छ । टुरिङ मोबाइल ब्राण्डले संसारकै सबैभन्दा बलियो स्मार्टफोन बजारमा लञ्च गर्न लागेको हो ।

आगामी महिना बजारमा आउने यो फोन लिक्विडमोरफियमबाट बनेको बताइएको छ । यसमा भएको बनोट स्टील र एल्युमीनियम भन्दा बढी बलियो हुन्छ ।



एप्पलले पनि आइफोनमा यो धातु प्रयोग गर्छ तर सिम राख्ने ठाउँमा मात्र । साढे ५ इन्चको स्क्रिन भएको यो स्मार्टफोनको अपरेटिङ सिष्टम एण्ड्रोइड 5.1 छ तर यूएसबी पोर्ट छैन भने म्युजिकका लागि अडियो ज्याक समेत छैन । यद्यपी ब्लुटूथले भने यसमा काम गर्छ ।

यी सबैका बाबजुत पनि  फोन त्यति महंगो पनि पर्दैन । करिव ४० देखि ५० हजारको हाराहारीमा यो फोन किन्न सकिने बताइएको छ ।

यसमा सुरक्षाका विभिन्न प्रविधी प्रयोग गरिएको छ जसले कुनै पनि हालतमा यसलाई ह्याक गर्न नसकोस ।



यो फोनमा केवल औंठाको छाप अर्थात फिङ्गर प्रिन्टमात्र पासवर्ड बन्न सक्छ ।

पानीमा पनि असर हुँदैन

रमाइलो कुरा त टुरिङको नयाँ स्मार्टफोनमा पानीले समेत असर गर्ने छैन । पानीमा डुबिहालेमा पनि बाहिर निकालेर पुछ्ना साथ फोनले सामान्य काम गर्छ । यो फोनले स्मार्टफोन को दुनियाँमा क्रान्ति गर्ने दावी कम्पनीले गरेको छ ।

तस्वीरमा देखिने व्यक्ति कुनै चानचुने मानिस होइनन् । उनी माननीय सभासद एवं नेपाली कांग्रेसको भातृ संगठन नेविसंघको केन्द्रीय अध्यक्ष रञ्जित कर्ण हुन् ।
कर्णलाई यसरी बिद्रूप बनाएर बेइज्यती गर्ने काम कुनै विपक्षी दल वा असन्तुष्ट जनताले गरेका होइनन् । उनलाई विप्लव समूहका माओवादी कार्यकर्ताले पनि यसो गरेका होइनन् ।
बरु, आफूलाई लोकतन्त्रको मसिहा बताउने कांग्रेसबाटै दीक्षित नेविसंघका कार्यकर्ताले आफ्ना नेतामाथि यस्तो व्यवहार प्रदर्शन गरेका हुन् । कांग्रेसको ६० वर्षे लोकतन्त्रको अभ्यासअन्तरगत भएको हो यो घटना ।
नेपाल विद्यार्थी संघका अध्यक्ष एवं सभासद कर्णलाई आफ्नै कार्यकर्ताले कालोमोसो दलेर जुत्ताको माला लगाएका हुन् । उनले संविधान नबनाएको झोंकमा कसैले जनकारवाही गरेको होइन । यो नितान्त आर्थिक लेनदेनको कुरालाई लिएर भएको यो घीनलाग्दो घटना पनि हो ।
पदमा लोभ गर्दाको परिणाम
पद भनेपछि छाड्नै हुँदैन भन्ने शिक्षा सुशील कोइरालाले नै सिकाएकै छन् । कोइराला पक्षका कर्णले पनि सभासद भएपछि नेविसंघको अध्यक्ष पदमा लिसोजस्तै टाँसिने काम गरे । उनले न संगठनको अधिवेशन गरे, न त अरुलाई नै नेतृत्व हस्तान्तरण गरे ।
यही क्रममा नेविसंघका कार्यकर्ताले कर्णको घरैमा गएर उनीमाथि आक्रमण गरे, कालोमसी दले, जुत्ताको माला भिराएर सडकमा निकाले । उनीहरुको आरोप छ कि कर्णले संगठनभित्रै पैसा खाने गरेकाले यसो गरिएको हो ।
यसरी भयो आक्रमण
हाँडीगाउँस्थित कर्णकै निवासमा पुगेका कार्यकर्ताले उनको अनुहारमा कालो मसी दलेका थिए । घटनापछि अनुहारमा कालोमसी र हातमा जुत्ताको माला लिएको अवस्थामा कर्णको तस्वीरसमेत खिचेर कार्यकर्ताले सार्वजनिक गरेका छन् ।
सभासद कर्णले अनलाइनखबरसँग कुरा गर्दै खुकुरी र रड बोकेर आएका नेविसंघकै कार्यकर्ताले शरीरमा कालोमसी छर्केर भागेको बताएका छन् । ‘उनीहरु खुकुरी र रड लिएर आएका थिए, त्यसबाट उम्कन सफल भएँ’ सभासद कर्णले-‘तर उनीहरुले कालोमसीजस्तो चिज छर्केर गए ।’
विवादको कारण पैसा
उनीहरुले आफूसँग पैसा मागेको र आफूले दिन सक्दिँन भन्दा घरमै आएर आक्रमण गरेको उनले बताए । तर, नेविसंघको असन्तुष्ट पक्षले भने कर्णले कार्यकर्ताबाट पैसा खाएको भन्दै विरोध जनाएका छन् ।
नेपाल इञ्जिनियरिङ क्याम्पस चाँगुनारायणमा खगेन्द्र कार्कीको अध्यक्षतामा रहेको इकाइ कमिटीलाई कर्णले भंग गरेका थिए । कार्कीको ठाउँमा अध्यक्ष कर्णले भुवन भट्टको नेतृत्वका अर्को कमिटी बनाएका थिए ।
भट्टबाट पैसा खाएर कर्णले कार्कीको कमिटी भंग गरेको उनीमाथि असन्तुष्ट पक्षको आरोप छ । कर्णले अरु ठाउँमा पनी यसैगरी पैसा खाएर कमिटी भंग गर्ने र आफ्ना मान्छे ल्याउने गरेको आरोप आरोप असन्तुष्ट पक्षको छ । तिनै असन्तुष्ट कार्यकर्ताले कर्णलाई मसी दलेको बताइएको छ ।
आफूले आक्रमणकारीविरुद्ध प्रहरीमा जाहेरी दिएको सभासद कर्णले  बताए । कर्णले आफ्ना प्रतिद्वन्दी नेविसंघ नेता कुन्दन काफ्लेको नाममा समेत प्रहरीमा उजुरी दिएका छन् ।
नेविसंघका नेता कुन्दनले भने यो घटना असन्तुष्ट कार्यकर्ताबाटै भएको हुन सक्ने भन्दै कर्णलाई सभासद र नेविसंघको अध्यक्ष पदबाटै हटाइनुपर्ने माग गरे ।
कुरी कुरी !
आफ्नै पार्टीका नेता एवं सभादले गल्ती गरेको भए उनीमाथि कारवाही गर्ने लोकतान्त्रिक एवं कानूनी विधि यही हो त ?
लोकतान्त्रिक संस्कार बोकेको दाबी गर्ने नेविसंघका कार्यकर्ताले यसमा के जवाफ देलान् ?
यो घटनाले ……लाई भन्दा देख्नेलाई लाज भन्ने आहानको चरितार्थ गराएको छ । कांग्रेस पार्टीभित्रको झगडा अब फौजदारी कानून अन्तरगत प्रहरी कार्यालयमा पुगेको छ । अब यसले फेरि प्रहरीमा भनसुन र राजनीतिक दबावको रुप लिनेछ ।

सामान्य अवस्थामा मान्छेहरु छोटो म्युजिक सिनेमा हेर्न युट्युबमा जानेगर्छन्। छोटा सिनेमा र म्युजिक भिडियोका लागि मात्र युट्युबको लतमा पर्नेहरू पनि छन्। अब फेसबुक म्युजिक भिडियोको हिस्सा युट्युबबाट खोस्ने तर्खर गर्दैछ। फेसबुकमा भिडियोले पाएको लोकप्रियतासँगै उसले यसलाई छुट्टै म्युजिक भिडियो सेयरिङ प्लेटफर्मको रुपमा विकास गर्न लागेको हो।
केही वर्ष अघिसम्म फेसबुकको न्युज फिडमा युट्युब क्लिप देखिनु सामान्य कुरा थियो। अब स्थिति बदलिएको छ। १८ महिना यता तपाइँले फेसबुकमा युट्युबको फिड आउन छोडेको छ। फेसबुक फिडमा ओरिजिनली फेसबुकमै अपलोड गरिएका भिडियोहरु मात्र तपाइँको टाइमलाइनमा आइरहेका छन्। प्रयोगकर्ताले अपलोड गरेका यस्ता भिडियोको सेयरिङ तथा लाइकलाई फेसबुकले नजिकबाट अध्ययन गरिरहेको छ। र विश्वको सबैभन्दा ठूलो सामाजिक सञ्जाल कम्पनी म्युजिक भिडियो केन्द्रित नयाँ भिडियो सेयरिङ गर्ने प्लेटफर्म विकासमा केन्द्रित भइरहेको छ।

फेसबुकले यसको व्यापारिक पक्षलाई बलियो बनाउने उद्देश्यले केही समयअघि भिडियो एडभर्टाजिङ प्लेटफर्म 'लाइभरेल'लाई किनिसकेको छ। अहिले सामाजिक सञ्जाल बादशाह मुख्य संगीत कम्पनीहरुसँग लाइसेन्स पाउन व्यापारिक छलफलमा छ।

युट्युबभन्दा बढी पैसा
फेसट्युब तथा फेसबुकएमटिभी उपमा दिइएको फेसबुकको म्युजिक भिडियोले कसरी काम गर्नेछ भनेर अहिले विभिन्न अडकलबाजीहरू भइरहेका छन्। जानकारहरूका अनुसार फेसबुक टाइमलाइनमा संगीत कम्पनीले छनौट गरेको पोस्ट देख्न सक्ने बनाइनेछ।साथी र परिवार सदस्यको प्रोफाइलमा जाँदा पनि यस्ता भिडियोहरू देखिनेछन्। त्यसपछि फेसबुकले तिनको अडियन्स मनिटर गरी त्यसबाट प्राप्त हुने आम्दानीलाई संगीत कम्पनीसँग सेयर गर्ने नीति फेसबुकले बनाएको छ। फेसबुकले भिडियो उत्पादक संगीत कम्पनीहरुलाई युट्युबले भन्दा बढी पैसा प्रस्ताव गर्ने जनाइएको छ।,,

 एजेन्सी ।

यदि तपाइँ नेपालमा वा भारतमा स्मार्ट फोन किन्दै हुनुहुन्छ भने एक पटक विचार गर्नुस् । तपाइँको स्मार्टफोन नक्कली पनि हुन सक्छ ।

भारतीय प्रहरीले बजारमा नक्कली आइफोन लगायतका स्मार्टफोनहरु पठाउने गरिएको पत्ता लगाएपछि नेपालमा पनि यस्तो भैरहेको आशंका गरिएको छ ।



भारतीय प्रहरीले दिल्लीको एक चर्चित फोन आयात गर्ने कम्पनीको शो रुममा नक्कली पार्टपुर्जा जोडेर बनाइएका आइफोन र अन्य स्मार्टफोन फेला पारेपछि नेपाली बजारमा पनि यस्ता फोन छ्याप् छ्याप्ती रहेको अनुमान गरिएको छ ।


भारतीय क्राइम ब्रान्चले छापा मार्दा बजारमा नक्कली आइफोन मात्र नभएर अन्य चर्चित ब्राण्डका स्मार्ट फोन पनि नक्कली पार्टपुर्जा राखेर एसेम्बल हुने गरेको फेला पारेको हो । छापा मारिएको कम्पनी संसारका चर्चित चर्चित फोन ब्राण्ड खरिद गरेर भारत सहित नेपाल सम्म आपुर्ति गर्ने Akasaki हो ।
भारतीय प्रहरीले २८ वटा आइफोन 5 र ६ वटा आइफोन 6 जफत गरेको छ । त्यसैगरी विभिन्न फोनमा प्रयोग हुने एसेसरीज पनि बरामद गरिएको भारतीय प्रहरीले जनाएको छ ।

नेपाली चलचित्रका चर्चित नायक हुन् राजेश हमाल । राजेश हमालले नेपाली चलचित्र क्षेत्रलाई २ दशकदेखि धानिरहेका छन् । तर, अहिले हमालको चलचित्र हेर्न हलसम्म दर्शकको उल्लेख्य उपस्थिती हुँदैन । तर, नायक राजेश हमाल सार्वजनिक कार्यक्रममा पुग्दा उनको फ्यान क्रेज भने खुबै देखिन्छ ।
काठमाण्डौमा आयोजित एक कार्यक्रममा भने हमालको यस्तै क्रेज देखियो । बिहे अगाडि हमालमा यूवतीको क्रेज ज्यादा थियो । अहिले यूवती भन्दा बालबालिका, यूवक, वुद्धहरुको क्रेज धेरै देखिन थालेको छ । नायक राजेश हमाल विदेशमा पुग्दा या नेपालका विभिन्न सार्वजनिक कार्यक्रम, महोत्सवमा पुग्दा उनलाई फ्यानले घेर्ने र फोटो खिचाउने गर्छन् । हमालको यो क्रेज विगत २ दशकदेखि नेपालमा देखिएको छ ।
हमालपछि चलचित्रको पर्दामा क्रेज बनाएका कलाकार हुन् नायक निखिल उप्रेती र विराज भट्ट । यी दुई नायकले हलसम्म दर्शक तान्न सफल भए । बाहिरी दुनियाँमा भन्दा पर्दामा दर्शक तान्न यी दुई कलाकार सफल भएको विश्लेषण गरिन्छ ।
यसपछि नायक आर्यन सिग्देलले पर्दा र पर्दा बाहिर दर्शकलाई आफूतर्फ आकषिर्त गर्न सफल भए । तर, आर्यनले आफ्नो स्टारडमलाई लामो समयसम्म बचाउँन नसकेको प्रष्ट छ । आर्यन अहिलेका चल्तीका नायक त हुन्, तर उनले आफ्नो पुरानो स्टारडमलाई अहिले बचाउन नसकेको विश्लेषण चलचित्र बजारमा छ ।
फ्यानलाई आफूतर्फ आकषिर्त गर्ने कुरामा अहिले नायक अनमोल केसी अगाडि छन् । काठमाण्डौको ओम अस्पतालमा आयोजित एक कार्यक्रममा अनमोलको पछाडि यूवतीको खुबै क्रेज देखियो । उनीसँग तस्बिर खिचाउन यूवतीहरुले तछाडमछाड गरे । जसका कारण प्रहरीलाई पनि भिड नियन्त्रण गर्न हम्मे हम्मे नै परेको थियो । सो कार्यक्रममा अन्य कलाकार उपस्थित भएपनि हमाल र अनमोलको पछाडि फ्यानको भिड देखियो ।
यी दुई कलाकारको पछाडि फ्यानहरु लागेपछि कार्यक्रममा नै असर पुग्ने देखेर प्रहरीले भिड हटाउन खोजेको थियो । चलचित्रमा पनि अनमोल दर्शकलाई हलसम्म तान्न सफल छन् । नायक हमालले त विगत २ दशकदेखि यो क्रेजलाई जोगाइराखेका छन् । के अब अनमोल क्रेज जोगाउन सफल रहलान् ?,,

भारतको अहिलेसम्मकै सार्वाधिक लागतको चलचित्र ‘बाहुबली’ले बक्स अफिसमा पनि तहल्का पिटेको छ। चलचित्रले पहिलो दिनमै ५० करोड भारुको व्यापार गरेपछि बलिउडका पहिलो दिनमा सम्पुर्ण रेकर्डहरु धरासायी भएका छन्।

भारतका करिब ३५०० भन्दा बढी हलहरुमा एकसाथ रिलिज गरिएको यो चलचित्रले एकै दिनमा यतिका रकम कमाएको हो। यो फिल्मको हिन्दी संस्करणले मात्र ५.१५ करोड भारुको व्यापार गरेको छ।

३ वर्ष लगाएर बनाइएको यो चलचित्रले भिजुअल इफेक्टले गर्दा दर्शकको मन राख्न सफल भएको छ।

इजरायलले नेपाली श्रमिकलाई उच्च प्राथमिकतामा राखेको स्पष्ट गर्दै कृषि कामदार, परिचारक र प्रशिक्षार्थीलाई पर्याप्त अवसर दिने बताएको छ ।

सरकारीस्तरमा नै सम्झौता गरेर नेपालीलाई पुनः काम दिने जनाउँदै चाँडै नेपाली कामदार लिने प्रक्रिया टुङ्ग्याउने बताएको छ । करिब नौ वर्षदेखि इजरायलले नेपाली कामदार लिन छाडेको छ ।

नेपाल–इजरायल कूटनीतिक सम्बन्ध स्थापनाको ५५ औँ वर्ष प्रवेशको अवसर पारेर नेपालका लागि इजरायलका राजदूत यारोन मेयरले लगनशील, कामप्रति निष्ठावान नेपाली कामदारलाई पर्याप्त अवसर दिइने बताए ।

“नेपाली कामदार लिने प्रक्रिया टुङ्ग्याउन इजराय र नेपाल सरकारका सम्बद्ध निकायबीच निकट सम्पर्कमा रहेर सहकार्य भइरहेको छ, त्यो चाँडै पूरा हुनेमा म आशावादी छु– श्रमिक निर्यातका विगतका कटु अनुभव दोहोरिन नदिन दुवै देशका सरकारले आपसी सम्झौता गरेर अघि बढ्ने निर्णय भएको सुनाउँदै उनले भने ।

घरेलु कामदार, परिचारक/सुसारेलाई चयन गरी व्यावसायिक एवम् प्राविधिक तालिम दिएर परीक्षणका रुपमा इजरायल पठाउने योजनामा दुवै देशका सरकार रहेका उनले जानकारी दिए ।

कामदार चयन पारदर्शी ढङ्गले गरिने उनले प्रष्ट पारे ।

साना किसान बैंकसँगको सहकार्यमा मासिक एक लाख २५ हजार तलब पाउने गरी १० महिने कृषि तालिमअन्तर्गत गत वर्ष दुई सय, यो वर्ष पाँच सय जना विद्यार्थी इजरायल गइसकेका छन्र । राजदूत मेयरले आगामी वर्ष छ सय जना प्रशिक्षार्थीलाई अवसर दिइने घोषणा पनि गरेका छन् ।

उनले भूकम्पपछि नेपाललाई थप सहायताको आवश्यकता परेकाले सक्दो सहयोग गर्ने प्रतिबद्धता व्यक्त गरेका छन् । “भूकम्पले सिर्जना गरेका चुनौतीलाई शक्ति, सामथ्र्य र अवसरमा रुपान्तरण गर्न सकिन्छ, मित्र मुलुकका नाताले समस्यामा परेको नेपाललाई हरसंभव सहयोग गरिरहन्छौ,”– उनले भने ।

कृषि क्षेत्रमा भएको क्षतिबाट उठ्न नेपाललाई प्रविधि र सीपको खाँचो छ भन्दै उहाँले कृषि प्रविधि केन्द्र स्थापना, पुनः निर्माणमा इजरायली प्रविधि र विज्ञको सहयोग, मत्स्यपालनजस्ता जलप्रविधिमा आधारित कृषिको विकास, ऐतिहासिक एवम् पुरातात्विक महत्वका सम्पदाको संरक्षणमा इजरायलले सहयोग गर्ने तयारी गरेको उनले जानकारी दिए । रासस

तपाइँको बायोडाटा विवरणले मात्रा तपाइँलाई राम्रो जागिर मिल्दैन । तर याद राख्नुस् राम्रो बायोडाटा विवरणले कम्तिमा तपाइँलाई अन्तर्वार्ताको शर्टलिष्टमा भने सजिलै पार्छ । तपाइँले चाहेको जागिर खान तपाइँको बायोडाटामा हुनु पर्ने १० कुराको चर्चा याहाँ गरिएको छ ।

१ तपाइँले आफू कति धेरै कुशल छु भन्ने कुरा देखाउन बायोडाटामा विवरण नदिनुस् । बरु तपाइँले गरेका हरेक काम र उपलब्धिलाई हाइलाइट गर्नुस् । तपाइँले गरेका उपलब्धिलाई ४ देखि ६ बुँदामा लेख्नुस् ।

२ आजकल बायोडाटा अनलाइन फर्मकोरुपमा भर्ने चलन आइसकेको छ । जहिले पनि चलेका पदावली अर्थात कि वर्डहरुलाई आफ्नो बायोडाटामा समावेस गर्न नभुल्नुस् ।



३ बायोडाटामा आफूले कति धेरै ठाउँमा जागिर खाएँ भन्ने कुरा ब्याख्या नगर्नुस् । तपाइँले एकै ठाउँमा कति धेरै वर्ष जागिर खाएँ भन्ने कुरामा पनि जोड नदिनुस् । यस्ता कुराको बारेमा कम भन्दा कम लेख्नुस् ।

४ तपाइँको अनुभव निक्कै लामो छ भने त्यसलाई बायोडाटामा सारांस नबनाउनुस् । सके सम्म कम र १ वा २ पेजमा सबै कुरा उल्लेख गर्नुस् । तपाइँको बायोडाटा तपाइाको जीवनी होइन । भूमिका र अनुभवलाई मात्र हाइलाइट गर्नुस् ।

५ भनिन्छ तपाइँको बायोडाटाको माथिल्लो भाग पढेर नै अन्तवार्तामा बोलाउने नबोलाउने निर्णय गरिन्छ । तसर्थ सके सम्म तपाइँको इमेल वा मोबाइल नम्बर पुछारमा मात्र लेख्नुस् । तपाइँको क्षमता र अनुभवलाई सबैभन्दा माथि लेख्नुस् ।



६ बायोडाटामा सके सम्म छोँटा वाक्य लेख्नुस् ।

७ आफ्नो बायोडाटालाई विभिन्न भागमा बाँढ्नुस् । जस्तै कामको अनुभव, अवार्ड, वा अन्य ।

८ सके सम्म बायोडाटामा लेखिएको भाषामा फन्ट धेरै ठूलो वा सानो नगराउनुस् । १० वा १२ को फन्ट प्रयोग गर्नुस्। अनुभव समय अनुसार मिलाउनुस् ।

९ बायोडाटँमा तस्विर ग्राफिक्स जस्ता लेआउट प्रयोग भुलेर पनि नगर्नुस् ।

१० राम्रो बायोडाटामा कुनै पनि एक कुरलाई दोहोर्‍याएर भनिएको हुँदैन । बायोडाटा बनाउँदा साथीभाइलाई देखाएर पुनर्लेखन गर्नुस् ।

सिड्नी ।

सोलोमोन द्वीपमा शुक्रबार ६.५ रिक्टर स्केलको भूकम्प गएको समाचार छ । सो भूकम्पको कारण सुनामीको चेतावनी भने दिइएको छैन ।

सो भूकम्पको केन्द्रविन्दु दादालीदेखि १५४ किलोमिटर दक्षिणपश्चिम र सोलोमान द्वीपको राजधानी होनीयारदेखि १७० किलोमिटर पश्चिममा २० किलोमिटर गहिराइमा रहेको अमेरिकी भौगर्भिक सर्वेक्षण संस्थाले जनाएको छ ।

सोलोमोन द्वीपको राष्ट्रिय प्रकोप नियन्त्रण कार्यालयका प्रवक्ताले यस भूकम्पको कारण मानवीय र भौतिक नोक्सानीको कुनै विवरण हालसम्म प्राप्त नभएको बताएका छन ।

अमेरिकी भौगर्भिक सर्वेक्षण संस्थाका सुरुमा यो भूकम्प ७.० रिक्टर स्केलको भएको जनाइएको थियो । शुक्रबार आएको ६.५ रिक्टर स्केलको भूकम्पपछि ५.३ रिक्टर स्केलको पराकम्पन आएको बताइएको छ ।

सन् २०१३ मा सोलोमोन द्वीपमा आएको ८.० रिक्टर स्केलको भूकम्पपछि आएको सुनामीमा परी कयौँ व्यक्तिको मृत्यु भएको थियो । त्यसैगरी कयौँ भवनहरु ध्वस्त भएका कारण हजारौँ व्यक्ति घरवारबिहीन भएका थिए । रासस

अनलाइनखबर बाट

क्यान्सर एक यस्तो रोग हो जुन शरिरको कुनै भागमा रहेको असामान्य कोषको अनियन्त्रित विभाजनले उत्पन्न हुन्छ।

यो रोगको डर सबैलाई हुन्छ। सकेसम्म बच्न खोजे पनि यो रोग जीवनशैलीकै कारकहरू, जस्तै धुम्रपान, मध्यपान, मोटोपनाले लाग्ने हो भनेर नयाँ तथ्यांकहरुले देखाएको छ। यो रोग शरिरको विभिन्न भागमा अलग रुपले लाग्न सक्छ र सर्वाधिक क्यान्सर हुने भागहरू कलेजो, मुख, गर्भ, मृगौला र छाला रहेका छन्।

क्यान्सर डरलाग्दो भएपनि यसलाई रोक्न सकिन्छ। विशेषज्ञहरुको अनुसार स्वस्थ खाना खाएर, शरिरको सहि तौल कायम र नियमित रुपमा व्यायाम गरे रोकथाम गर्न सकिन्छ। तर कसरी सुरु गर्न सकिन्छ त क्यान्सरको रोकथाम?

क्यान्सरको रोकथाम गर्ने ८ वटा बुँदाहरु तल प्रस्तुत छन्। बुँदामा लेखिएको उपाय सजिलो अथवा गाह्रो भएपनि यि बुँदाहरु सहि रुपमा पालना गरे क्यान्सर लाग्ने सम्भावना निकै कम गर्न सकिन्छ।

१. मध्यपान नगर्नुहोस, गरे कम मात्रामा गर्नुहोस

‘ब्याक्टेरियम हेलीकोब्याटर पिलोरी’ जसले अल्सर र पेटको क्यान्सरको लागि मुख्य भुमिका खेल्छ, बियरले यो विरुद्ध काम गर्छ। बियरको नियन्त्रित सेवनले स्वास्थ्यलाई फाइदा पुर्याउने अनुसन्धानले बताउँछ।

तर रक्सीको दैनिक सेवनले भने मुख, घाँटी, कलेजो आदीको क्यान्सरको सम्भावना बढाउँछ। महिलाको हकमा भने रक्सी अझै खतरनाक हुन्छ। दैनिक थौरै रक्सी सेवनले पनि स्तन क्यान्सरको सम्भावना १० प्रतिशतले बढाउँछ।

२. हरेक २ घण्टामा हिँड्ने गर्नुहोस
हालैमा वैज्ञानिकहरुले क्यानसरबाट बच्न सकेसम्म धेरै हिँड्डुल गर्ने सल्लाह दिएका छन्। २ घण्टा भन्दा अत्याधिक नचलि बस्नले गर्भ र फोक्सोको क्यान्सरको सम्भावना १० प्रतिशतले बढ्ने भनिएको छ। दिनहुँ नियमित रुपमा व्यायाम गरे पनि २ घण्टा भन्दा बढि स्थिर रहे क्यान्सर लाग्न सक्ने सम्भावना उतिनै रहेको बताइएको छ।

३. मासु खान अगाडि मसलाले मजाले मोल्ने गर्नुहोस
मासुलाई उच्च तापक्रममा पोल्दा अथवा भुट्दा यसमा बिभिन्न क्यान्सर उत्पन्न गर्ने सक्ने रासायनिक पदार्थहरु उत्पादन हुने गर्दछन्। तर ‘अमेरिका क्यान्सर अनुसन्धान केन्द्र’मा गरेको खोज अनुसार मोलिएको मासुमा मसलाले आगोबाट मासुलाई सिधा असर हुन नदिई रासायनिक पदार्थहरुको उत्पादनको मात्रा कम गर्छ।

४. फलफुलहरुलाई सकेसम्म फ्रिजमा नराख्नुहोस
अनुसन्धान अनुसार चिसो फलफुलहरुमा क्यान्सर रोक्ने पोषक तत्त्वहरु कम हुन्छन्। कोठाको तापमानमा राखिएको फलफुलहरुभन्दा फ्रिजमा राखिएको फलफुलले क्यान्सर रोक्न कम मद्दत गर्छ।

५. सब्जीहरुलाई माइक्रोवेभ ओभनमा नपकाउनुहोस
अनुसन्धान अनुसार सब्जीहरुलाई माइक्रोवेभमा पकाएर खाँदा यिनीहरुमा पाइने ‘भिटामिन सी’को मात्रा भने कम हुँदैन। तर स्पेनमा हालैमा भएको एक अनुसन्धानले माइक्रोवेभमा पकाएको ब्रोकाउलीमा ९७ प्रतिशत जति क्यान्सर रोक्ने पोषक तत्त्वहरु नाश भएको भेटिएको छ। माइक्रोवेबको साटो सब्जिहरुलाई बफाएर खाँदा राम्रो हुन्छ।

६. बास्ना आउने घरायसी बस्तुहरुको प्रयोग नगर्नुहोस
सुन्दा अचम्म लाग्न सक्छ तर घरभित्रको हावा बाहिरको भन्दा बढि दूषित हुन सक्छ। हालसम्मकै सबैभन्दा दूषित ग्याँस सुर्तीको धुँलोले फैलाउने भएपनि घरमा प्रयोग हुने बास्नादार बस्तुहरु जस्तै बास्नादार मैनबत्ती र कोठा मगमगाउने फ्रेशनरहरुमा क्यानसर उत्पन्न हुन सक्ने ग्याँसहरु प्रयोग भएको हुन्छ। तर कोठाहरुमा हावा फेरिने गरि झ्यालहरु खुल्ला राखेर यसको असर कम गर्न सकिन्छ।

७. नुन कम मात्रामा लिनुहोस
बेलायतमा १४ प्रतिशत पेटको क्यान्सर नुनको कारणले देखापरेको छ। हामीले लिने नुनको दिनहुँ मात्रा ६ ग्राम भन्दा बेसि हुनुहुन्न। ६ ग्राम नुनमा २.४ ग्राम सोडियम हुन्छ। त्यसैले कुनै खाद्य उत्पादनको खरिद गर्दा सोडियमको मात्रा हेरेर किन्ने गरौँ।

८. सुत्दा पुरै अँध्यारोमा सुत्ने गर्नुहोस
अनुसन्धान अनुसार बल्ब र ट्युबलाइट अथवा बनावटी प्रकाशको उज्यालोले शरिरमा क्यान्सर उत्पन्न हुन सक्ने सम्भावना बढेको देखाउछ। विशेषज्ञहरुको अनुसार यसले शरिरमा तनावको हर्मोन बढाएर शरिरको प्रतिरक्षा प्रणालीको शक्तिलाई कम गर्ने देखिन्छ। पुरै अँध्यारोमा सुत्दा शरिरमा निन्द्राको हर्मोनको मात्रा कायम हुन्छ जसले क्यान्सर रोकथाम गर्न मद्दत गर्छ।

सरीर धेरै मोटो भयो अर्थात् वजन बढि भयो भने वजन घटाउनका लागि खाना कम खाने उपाय सबैको पहिलो विकल्पका रुपमा रहन्छ । तर तौल घटाउनु भनेकै कम खाना खानु हो भन्ने कुरा सधै सही नहुन सक्छ । कम होइन, सन्तुलित भोजन आवश्यक हुन्छ, वजन नियन्त्रणका लागि । खानामा फलफुल, सागपात, नट्स तथा गेडागुडीलाई समावेश गर्नुपर्छ, जसमा बोसो गलाउने तत्व हुन्छ । यी खानेकुराले भोक घटाउनुका साथै मोटोपना पनि घटाउँछन् । वैज्ञानिकहरुका अनुसार वजन नियन्त्रणका लागि निम्न खानेकुरा खानु आवश्यक हुन्छ-

१. स्याउ- स्याउमा पेक्टिन नामक तत्व हुन्छ । यो तत्वले सरीरको कोषिकाले चिल्लो पदार्थ शोषण गर्ने दरलाई नियन्त्रण गर्दछ । पेक्टिन सबैजसो फलफूलमा पाइन्छ ।

२. ग्री टी- ग्रीन टीमा हुने तत्वले सरीरको उपापचयनलाई बढाएर वजन नियन्त्रणमा सघाउ पूराउँछ । यसले खानामा हुने ग्लुकोजको उत्सर्जनलाई बढावा दिने र बोसो दहन गर्नमा सघाउ पूराउने बताइन्छ ।

३. अमिलो फलफूल- सुन्तला, कागती तथा अंगुर जस्ता अमिलो फलफूलमा पर्याप्त भिटामिन सी का साथै बोसो प्रतिरोधी तत्व हुन्छ । यसले सरीरमा इन्सुलिन कम गर्ने तथा बोसोको संचयलाई रोक्नुका साथै वजन न्यूनिकरणलाई बढावा दिन्छ ।

४.ब्रोकाउली- ब्रोकाउलीमा प्रसस्तै क्याल्सियम तथा फाइबर पाइन्छ । यसमा भिटामिन सी पनि उच्च पाइन्छ । अध्ययन अनुसार क्याल्सियमले वजन नियन्त्रणमा सहयोग गर्दछ ।

५.सोयाविन- सोयाबिनमा लेसिथिन नामक तत्व पाइन्छ । यो तत्वले सरीरका कोषलाई चिल्लो पदार्थ जम्मा गर्नबाट रोक्दछ । यसका साथै जम्मा भएको बोसोलाई टुक्राउने काममा पनि यो तत्वले सहयोग गर्दछ ।

६. जौँ- जौँ मा घुल्ने फाइबर प्रसस्त मात्रामा पाइन्छ । यो फाइबरले सरीरको मोटोपना घटाउन सहयोग गर्दछ ।

७. लसुन- लसुनमा एलिसिन भन्ने तत्व पाइन्छ । यो तत्वले पनि सरीरका कोषमा बोसोको एकत्रीकरणलाई रोक्दछ । त्यसैले लसुनको सेवनले सरीरमा बोसो जम्माहुने प्रक्रियालाई कम गरिदिन्छ ।

८. नासपाती- ब्राजिलमा हालै भएको एक अध्ययन अनुसार नासपातीको सेवनले मानिसमा मोटोपना कम हुन्छ । नासपातीमा क्यालोरी कम हुने, प्रसस्त फाइबर भएका कारण नियमित रुपमा नासपाती खाँदा भोक कम लाग्ने तथा मोटोपना समेत घटाउन सघाउ पुग्ने बताइन्छ ।

९. बदाम- अध्ययन अनुसार भोजनमा बदाम समावेश गर्दा खानेकुरा मिठो हुनेमात्र होइन वजन बढ्नबाट पनि बचाउँदछ । बदाममा पर्याप्त प्रोटिनका साथै फाइबर समेत पाइन्छ र यसले बोसोको दहनलाई बढावा दिन्छ ।

१०.केरा- केरामा पर्याप्त म्याग्नेसियम लवण पाइन्छ । यो तत्वले उर्जा उत्पादन तथा स्नायुको कार्यसंचालनमा समेत सघाउ पूराउँछ भने इन्सुलिनको उत्पादन तथा प्रयोगलाई समेत नियमित गर्दछ । साथै यसले सरीरले क्याल्सियम तत्व सोस्ने प्रक्रियालाई समेत सन्तुलित गराउँछ । क्याल्सियम र म्याग्नेसियम तत्वको सन्तुलन वजन नियन्त्रणमा निकै महत्वपूर्ण हुन्छ ।

११. पानी- जर्मनीमा भएको पछिल्लो अध्ययन अनुसार पानीले सरीरमा क्यालोरी दहन हुने दर पानीको सेवनले बढाइदिन्छ । पानीको सेवनले क्यालोरी दहन हुने दर ३० प्रतिशतले बढेको अधययनले देखाएको थियो । पानीको पर्याप्त सेवनले भोक पनि कम गर्छ ।

१२.कुरिलो- कुरिलोमा एस्पारेजिन तत्व पाइन्छ । यसले सरीरका कोषिकामा प्रत्यक्ष प्रभाव पार्दछ र बोसोलाई टुक्राउने काम गर्छ । यसका साथै कुरिलोमा पाइने अन्य तत्वले सरीरबाट अनावश्यक तत्वहरु निस्कासनमा समेत सहयोग गर्छ जसका कारण बोसो घटाउन सहयोग पुग्दछ ।

फेसबुकमा आफुलाई मन नपर्ने वा आपत्तिजनक सामाग्रीहरु ट्याग गरिदिएर हैरान पार्ने फेसबुके साथीलाई तत्कालै अनफ्रेण्ड गर्न सकिने सुविधा फेसबुकले दिएको छ । यसरी कसैलाई अनफ्रेण्ड गरेको कुरा आफुलाई मात्र थाहा हुने भएकाले त्यसमा गोप्यता रहन्छ र अनफ्रेण्ड हुने साथीले त्यसको सुइँको पाउँदैन । तर अब भने आफुलाई कसले अनफ्रेण्ड गर्यो भन्ने कुरा थाहा पाइने भएको छ ।
एउटा यस्तो एप आएको छ जसले फेसबुक प्रयोगकर्तालाई कस कसले अनफ्रेण्ड गर्यो भन्ने विषयमा पूरै जानकारी उपलब्ध गराउँदछ ।
हु डिलिटेड मी अन फेसबुक नामको उक्त एपले फेसबुकमा प्रयोगकर्ताका साथीहरुको सूचिलाई ध्यानमा राख्छ र अनफ्रेण्ड हुँदाबित्तिकै त्यसको जानकारी उपलब्ध गराउँछ ।
यो एप एन्थोनी कुस्के नामक एप डेभलपरले फेसबुकका लागि बनाएका हुन् । फेसबुकको यो एप टि्वटरको ‘हु अनफलोड मी’ नामक एप जस्तै हो । यो एपले फेसबुक प्रयोगकर्ताको मौजुदा फ्रेण्ड लिस्टबाट कोही हरायो भने उसले अनफ्रेण्ड गरे नगरेको जानकारी उपलब्ध गराउँछ । त्यसका साथै यो एपले कुन साथीको फेसबुक अकाउण्ड निस्क्रिय छ, कुन साथी अनलाइनमा छ भन्ने देखाउनुका साथै फोन नम्बरमा समेत निगरानी राख्दछ ।
यो एपको साइज ३.२ एमबी छ । यो एपलाई एन्ड्रोइड तथा आइओएस ग्याजेटमा निशुल्क डाउनलोड गर्न सकिन्छ । साथै क्रोम ब्राउजरको निशुल्क ब्राउजर एक्स्टेन्सन समेत उपलब्ध रहेको बताइउको छ ।
यो एपलाई आफ्नो डिभाइसमा इन्स्टल गरिसकेपछि प्रयोगकर्ताले आफ्नो फेसबुक अकाउण्ट सँग त्यसलाई कनेक्ट गर्नुपर्छ ।  यी अप्सनहरु क्लिक गर्दा तपाइँले नयाँ साथीको सूचि, तपाइँलाई अनफ्रेण्ड गरेको साथीको सूचि, तपाइँले अनफ्रेण्ड गरेको साथीको सूचि, फेसबुक अकाउण्ट निस्त्रिmय रहेका साथीको सूचि तथा अनलाइनमै रहेको साथीको सूचि क्रमशः प्राप्त गर्न सक्नुहुन्छ ।
डाउनलोड गर्नको लागि प्ले स्टोर मा गएर who deleted me on facebook टाइप गरि सर्च गर्नुहोस अनि डाउनलोड गर्नुहोस ,,,

चाहे कामको चापले होस् वा टेलिभिजन वा कम्प्युटर तथा मोबाइल चलाएरै होस्, चाहे गफगाफ र रमाइलोमा भुलेर होस् वा लेखपढ गरेर होस् हामीमध्ये धेरै जना राति अवेर मात्र सुत्छौँ, जसका कारण सरीरलाई आवश्यक पर्ने आराम तथा निद्रा पुग्दैन ।
रातमा निद्रा नपुगे दिउसै घुरौँला न, के हुन्छ त ? भनेर सोध्नुहोला । तर कामकाजी मानिसलाई दिउसै घुर्ने मौका पनि कहाँ मिल्छ र ? खैर, बुझ्नैपर्ने र निकै महत्वपूर्ण कुरा के हो भने यसरी जिउलाई आवश्यक पर्ने आराम तथा निद्रा नपुग्नु हाम्रो शारीरिक तथा मानसिक स्वास्थ्यका लागि निकै हानिकारक हुन्छ ।
पछिल्लोपटक गरिएको एक अध्ययन अनुसार अपुग निद्राले मानिसको आत्मनियन्त्रणमा क्षयिकरण गराउँदछ ।
शोधकर्ताहरुका अनुसार अपर्याप्त निद्राले मानिसको निर्णय क्षमतामा असर पूराउँदछ जसका कारण मानिसहरु झनक्क रिसाउने, कुनै कुरामा सतर्क तथा गम्भीर बन्न नसक्ने समस्यामा फस्दछन् ।
यसले मानिसहरुको व्यक्तिगत तथा व्यवसायिक जिवनमा पनि गम्भीर असर पूराउने वैज्ञानिकहरुको भनाइ छ ।
अमेरिकाको क्लेम्सन विश्वविद्यालयका शोधकर्ता प्राध्यापक जुन पिल्चरका अनुसार आत्मनियन्त्रण मानिसकेा दैनिक निर्णय निर्माण प्रक्रियाको एक भाग हो । दैनिक रुपमा मानिसको सामु प्रस्तुत हुने द्विविधाग्रस्त इच्छा तथा अवसरहरुमा सन्तुलन तथा नियन्त्रण गरेर आफ्नो लागि उपयुक्त निर्णय लिनका लागि आत्मनियन्त्रण आवश्यक हुन्छ ।
आफुहरुको अध्ययनले निद्रा तथा आत्मनियन्त्रण कसरी अन्तरसम्बन्धित छन् र सुत्ने आनीबान र आत्मनियन्त्रणले व्यक्तिको दैनिक क्रियाकलापमा कसरी संयुक्त रुपमा प्रभाव पार्दछन् भन्ने कुरा पत्ता लगाएको उनको भनाइ छ ।
यसअघिका अध्ययनहरुले पनि अहिलेको २४ घण्टे विश्व अर्थतन्त्रको युगमा मानिसहरुको सुत्ने अवधि कम हुँदै गएको र अनियमित हुँदै गएको भन्दै अपर्याप्त तथा अपूरो निद्राका साथै लामो समयसम्म सुत्न नपाउने कारणले गर्दा मानिसहरुको निर्णय निर्माण क्षमतामै असर पूराउने गरेको देखाएको थियो ।
रातमा सुत्ने समयमा अनियमितता तथा कम समयसम्म मात्र सुत्ने बानीले स्वास्थ्य समस्या निम्तिने शोधकर्ताहरुको भनाइ छ । यसअघिका अध्ययनले समेत अपर्याप्त तथा असन्तुलित सुताइले गर्दा मानिसमा वजन बढ्ने तथा रक्तचाप बढ्ने लगायतका स्वास्थ्य समस्या उत्पन्न हुने ठहर गरेको थियो ।
पछिल्लोपटकको अध्ययनले अपर्याप्त निद्रा तथा अनिद्राका कारण मानिसमा आत्मनियन्त्रण गुम्ने र त्यसले व्यक्तिमा रिसाहा तथा असहिष्णु व्यवहार देखिने गर्छ । यस्तो व्यवहारले व्यक्तिलाई घर तथा कार्यस्थलमा समेत समस्यामा पार्नसक्छ ।
पर्याप्त तथा नियमित सुत्ने बानीले मानिसको अर्को दिनको दैनिक क्रियाकलापका लागि स्थिर शक्ति संचय हुने शोधकर्ताहरु बताउँछन् । जति धेरै उर्जा संचय भयो उति नै धेरै कठीन निर्णयहरु गर्नसक्ने तथा समस्या समाधान गर्ने क्षमता बढ्ने शोधकर्ताहरुको भनाइ छ ।
मानिसमा अपर्याप्त निद्रा तथा अनिद्रा लामो समयसम्म रह्यो भने त्यसले विभिन्न कुलतहरुमा फस्ने, धेरै खर्च गर्ने तथा जुवातास खेल्ने समस्यामा फस्ने डर पनि बढ्ने भन्दै शोधकर्ताहरुले पर्याप्त निद्राले यी समस्या झेलिरहेका मानिसहरुलाई समस्याबाट मुक्ति पाउन वा कुलत हटाउन समेत सहयोगी हुने बताएका छन् ।- एजेन्सीको सहयोगमा

एजेन्सी ।

भारतीय प्रधानमन्त्री नरेन्द्र मोदीलाई ज्यानको खतरा भएको भारतीय मिडियाले खुलासा गरेका छन । दिल्ली पुलिसको खुफिया दस्तावेजका अनुसार, प्रधानमन्त्री मोदीलाई पहिलो पटक कट्टर दक्षिणपन्थी संगठनबाट ज्यानको खतरा भएको जनाइएको छ ।

दस्ताबेजमा मोदीलाई मुस्लिमहरुलाई आफुतिर आकर्षित गरेकोले दक्षिणपन्थी संगठन रिसाएको बताइएको छ । खुफिया एजेन्सीले यसको लागि अलर्ट जारी गरेको छ ।

दिल्ली पुलिसले योग दिवसको अवसरमा मोदीको लागि विशेष सुरक्षाको व्यवस्था गरेको थियो ।

मोदीलाई अहिलेसम्म ४० आतंकवादी संगठनबाट धम्की आएको बताइएको छ ।

फेसबुकमा भिडियो अपलोड गरेर पनि पैसा कमाउन सकिने भएको छ । तर, तपाईले अपलोड गर्ने भिडियो आफ्नै हुनु पर्नेछ ।

फेसबुकले नयाँ फिचर सुरु गरेको छ । जस अनुसार अब प्रयोगकर्ताले अपलोड गरेको भिडियो क्लिप र विज्ञापन मिलाएर नयाँ भिडियो तयार हुनेछ ।

यसलाई जति धेरै मानिसले हेर्छन्, त्यस आधारमा प्रयोगकर्ताले पैसा पाउनेछन् । फेसबुकका अनुसार भिडियोमा समावेश हुने विज्ञापनबाट हुने कमाईमा ४५ प्रतिशत उसको हुनेछ ।

फेसबुकका अनुसार हरेक दिन चार अर्ब पटक फेसबुकमा भिडियो हेरिन्छ ।

तर, केही विशेषज्ञशरुले भने फेसबुकको भिडियोको बढ्दो लोकपि्रयता युट्युवका लागि घातक हुनसक्ने बताएका छन् ।
सन् २०१४ को डिसेम्बरमा फेसबुकले पहिलो पटक भ्यूजमा यूट्युबलाई पछि पारेको थियो । यसै वर्ष जुनमा अमेरिकी कम्पनी एसबीओले आफ्नो केही कार्यक्रमलाई फेसबुकबाट प्रशारण गर्ने घोषणा गरेको छ ।

भिडियोबाट पैसा आउने भएपछि अरु पनि अरुलाई पनि यसले आकषिर्त गर्ने देखिएको छ ।

युट्युबले आफ्न प्रयोगकर्तालाई भिडियो आफैं म्याजेन गर्ने सुविधा दिएको छ । फेसबुकले पनि सुरुमा केही मिडिया ग्रपु र छनिएका मानिसहरुसँग मिलेग काम गर्ने बताएको छ ।

भिडियो बनाउनेका लागि एउटा समस्या के छ भने फेसबुकमा युट्युबमा जसरी सहजै सर्च गर्न सकिँदैन ।

स्मार्टफोनमा डाउनलोड भएका एपहरु आफै अपडेट हुँदा कहिलेकाहीँ दिक्क होइन्छ ।
मोबाइल डाटा वा वाइफाइ मार्फत इन्टरनेट चलाइरहेको बेला एपहरु अटो अपडेट हुँदा मोबाइल डाटा खर्च हुने र मोबाइलको ब्यालेन्स रित्तिँदै गएको पत्तो पाइन्न ।
एप्स निर्माताहरुका अनुसार अटो अपडेट फिचरले एपहरुको कमजोरी हटाउन तथा यसलाई अझै उत्कृष्ट बनाउन सहयोग गर्ने बताउँछन् ।
कहिलेकाहीँ सुरक्षाको कारण पनि यस्तो अटो अपडेट फिचर दिइएको हुन्छ ।
तर धेरै स्मार्टफोन प्रयोगकर्तालाई आफ्नो स्मार्टफोनको एप आफैले म्यानुअल्ली अपडेट गर्ने इच्छा हुन्छ, न की अटो अपडेटबाट मोबाइल डाटा रित्याउन ।
कहिलेकाहीँ अटो अपडेटले कुनै एपलाई यस्तो गरी बदलिदिन पनि सक्छ जुन तपाइँको उक्त एप प्रयोग गर्ने बानीको अनुरुप नहुन पनि सक्छ । त्यसैले यस्तो स्थितिबाट बच्नका लागि पनि तपाइँले स्मार्टफोनमा अटो अपडेट अप्सनलाई बन्द गर्नुपर्छ ।
कसरी गर्ने अटो अपडेट बन्द ?
आफ्नो एन्ड्रोइड स्मार्टफोन वा ट्याबलेटमा गुगल प्ले स्टोरमा क्लिक गर्नुस् । त्यसपछि स्त्रिmनको दायाँपट्ट िमाथिल्लो भागमा तिनवटा विन्दु देखिनेछन् । त्यसलाई ट्याप गरेर सेटिङ अप्सनलाई छान्नुहोस् ।
त्यसपछि त्यहाँ अटो अपडेट एप्स नामक अप्सन देखिनेछ । उक्त अप्सनको अगाडि रहेको बक्समा लगाइएको चिन्ह हटाइदिनुहोस् । अब तपाइँको स्मार्टफोनमा एपहरु आफै अपडेट हुनेछैनन् र नजानिँदो गरी मोबाइल डाटा रित्तिने छैन ।
अपडेटका लागि वाइफाइ
तपाइँले आफ्नो फोनको सेटिङमै वाइफाइ उपलब्ध भएको बेला एप अपडेट हुने गरी मिलाउन पनि सक्नुहुन्छ । यदि त्यसो गर्नुभयो भने जब तपाइँ आफ्नो घर वा अफिसको वाइफाइ जोनमा पुग्नुहुन्छ, तब तपाइँको मोबाइलको एप अपडेट हुन थाल्नेछ । तर मोबाइल डाटाबाट स्मार्टफोन एप अपडेट हुनेछैन ।
चाहनुहुन्छ भने अलग अलग एपका लागि फरक फरक सेटिङ पनि मिलाउन सक्नुहुन्छ । त्यसका लागि तपाइँले हरेक एपमा गएर त्यहाँ रहेको अटो अपडेट अप्सनको ‘टिक बक्स’ मा क्लिक गर्नुपर्ने हुन्छ ।

काठमाडौं- संविधानसभा बैठकमा संविधानको पहिलो मस्यौदा पेश भएको छ। मस्यौदा समितिका सभापति कृष्ण सिटौलाले मस्यौदा पेश गरेका छन्। यस पछि मस्यौदा जनताको सुझावको लागि सार्वजनिक गरिने छ।
यो संविधानसभा सफल हुन्छ भन्ने खुसीको प्रारम्भ भएको सिटौलाले बताए। मस्यौदा पेश गर्ना साथ मधेसी दलका सभासदले वेलमा पुगेर संविधानको मस्यौदा च्यातेका छन्। संविधानसभाको अर्को बैठक बिहिबार बस्ने छ।

सहमति विपरित संविधानको मस्यौदा तयार भएको भन्दै एकीकृत नेकपा माओवादीको हस्ताक्षर नगर्ने चेतावनी दिएको छ ।
अहिले सहमतिको प्रयास भइरहेको छ । सहमतिको प्रयास लम्बिएपछि संविधानसभाको बैठक ९ बजेका लागि सारिएको छ ।
एमाओवादी एक नेताका अनुसार कांग्रेस र एमाले मस्यौदा सच्याउन तयार नभए आफूहरुले हस्ताक्षर गर्ने सम्भावना कम छ । १६ बुँदे सहमति, संवैधानिक राजनीतिक सम्वाद समितिले गरेको सहमति र अघिल्ल्लो संविधानसभाले गरेको सहमतिबाट समेत पछि हटेर मस्यौदा बनेको उनले बताए ।
एमाओवादीले फरक प्रस्ताव समेत तयार पारेको छ । साथै उनले मोर्चामा आवद्ध १४ दलसँग छलफल गरेर संयुक्त फरक मत तयार पारेको छ ।
अनलाइनखबर बाट

तपाइँलाई थाहा छ बैबाहिक जीवनमा नियमित यौन सम्बन्धले ठूलो महत्व राख्छ । र साथै खानाको यौन जीवनमा निक्कै गहिरो प्रभाव हुन्छ । डार्क चकलेट र बदामले सेक्स ड्राइभ बढाउँछन् भने तर यस्ता खाना पनि छन् जसले यौन जीवनलाई धरापमा पारिदिन्छन् । त्यति मात्र होइन यस्ता खानाले यौन मात्र नभएर प्रजनन क्षमता समेत खत्तम बनाउन सक्छन् । यहाँ विवाहितहरुले खान नहुने १० खानाको चर्चा गरिएको   छ ।

१ तारेको भुटेको

बढी तारेको र भुटेको खाना खँदा शरीरलाई राम्रो गर्दैन । यसले तपाइँको सेक्स ड्राइभलाई कमजोर पार्छ । अझ चिल्लोको मात्रा बढी भएका यस्ता खानाले तपाइँको टेष्टोस्टेरोन हर्मोनलाई समेत रोक्छ जसले गर्दा यौन जीवनमा खासै चाख हुन छोड्ने हुन्छ ।



२ कृतिम गुलियो
खाने कुरामा कृतिम गुलियो प्रयोग गरेको छ भने पनि सके सम्म त्यस्ता खानाबाट टाढै रहनुस् । यसको सेवनले ह्याप्पी हर्मोन भनिने यौनिक हर्मोनलाई कमजोर पार्छ । कृतिम गुलियोमा हुने ”aspartame” नामको पदार्थले अन्य साइड इफेक्ट समेत निमत्याउन सक्छ । यसता साइड इफेक्टमा अनिद्रा, चिडचिडापन, टाउको दुख्ने, चिन्ता लगायतका हुन सक्छन् ।

३ सोडा
कतिपय मानिसलाई सोडा विना खाना नरुच्ने हुन्छ । तर बैबाहिक जीवनमा भने यो खानु घातक छ । दैनिकरुपमा सोडा वा फ्लेवर्ड ड्रिङ्क सेवन गर्ने मान्छे यौनिकरुपमा भने कमजोर हुन्छन् । यसले तपाइँको मोटोपन बढाउन र दाँतमा समस्या पैदा गर्ने खतरा समेत हुन्छ ।



४ बजारिया दुग्ध पदार्थ

अहिले बजारमा पाइने दुग्ध पदार्थमा प्राकृतिक कुराहरु कम हुन्छन् । मिसावटका कारण यिनीहरुमा रहेका पदार्थ घातक समेत हुन्छन् । यस्ता पदार्थको स्वनल एस्ट्रोजन, प्रोजिस्टेरोन, टेस्टोस्टेरोन आदि हार्मोन्समा कमी आउने र यौन क्षमता कमजोर हुन्छ । त्यसले शरीरमा विषाक्त पदार्थको पनि बढावा दिन्छ ।



५ चिप्स

चिप्स जस्ता प्याकेटमा पाइने खानेकुराले पनि तपाइँका शरीरको कोशिकालाई घात गर्छन् । यस्ता कुराले तपाइँको सेक्स ड्राइभ कमजोर पार्छ । खासमा आलु चिप्स अत्याधिक तापक्रममा पकाइने र प्याकेटमा राखिने हुँदा यो शरीरका लागि हानिकारक मानिन्छ । यसमा हुने खराव चिल्लो पदार्थ र उच्च तापमानमा पाकेको हुँदा यो यौन जीवनका लागि सबैभन्दा घातक मानिन्छ ।



६ चुइङ्गम

यदि तपाइँको नियमित चुइङ्गम सेवन गर्ने बानी छ र तपाइँ विवाहि हनुहुन्छ भने आजै देखि यो बानी छोड्नुस् । चुइङ्गमले शरीरुको पाचन पदार्थथमा घात गर्छ भने यौन जीवनमा पनि घातक प्रभाव पार्छ । स्वास गन्हाउने डरले चुइङ्गम खाने गर्नु भएको छ भने आजै देखि छोड्नुस् अन्य प्राकृतिक कुराबाट स्वास सुगन्धित पार्नुस् ।

७ कर्न फ्लेक्स

यदि तपाइँ नियमित कर्न फ्लेक्स सेवन गर्नुहुन्छ भने त्यो पनि तपाइँका लागि घातक हुन्छ । यसले तपाइँको यौन जीवनमा नकारात्मक प्रभाव पार्छ । यसले तपाइँको रोमान्टिक जीवनमा सबैभन्दा बढी प्रभाव पार्छ । हल्का फुल्का खाना खान मन पर्छ भने पनि कर्नफ्लेक्स कम खानुस् ।

८ कफी

विहानै कफि खाँदा मुड फ्रेश हुन्छ । तर दिनभरी पटक पटक कफी पिउने बानी भने घातक हुन्छ । यसले तपाइँको स्वास्थ्यमा प्रतिकुल असर पार्छ र यौन जीवन प्रभावित हुन्छ । कफीले शरीरमा स्ट्रेस हार्मोनकम गर्छ र यौनिक क्षमता कमजोर पार्छ ।

९ सोयाबिन
यदि तपाइँको नियमित खानामा सोयाबिन पर्छ भने त्यसलाई कम गर्नुस् । सोयालाई मासुको साटो प्रयोग गर्ने पनि हुन्छ । सोयामा पाइने फायटोएस्टोरेजनले पुरुषमा यौनिक क्षमता कमजोर पार्छ । यो पुरुषका लागि घातक मानिएको खाना मध्ये एक हो ।


१० मदिरा
मदिरा पनि यौन जीवनका लागि घातक मानिएको छ । यसले शरीरलाई संवेदनहिन बनाउने र निद्रा लगाइदिने हुँदा रोमान्टिक महसुस हुनेभएपनि यौनिकरुपमा भने कमजोर पारिरहेको हुन्छ । मदिरामा हुने तत्वले टेस्टोस्टेरोनमा प्रभाव पर्छ र यौन इच्छा र क्षमता कमजोर हुन्छ ।

चार राजनीतिक दलले गरेको १६ बुँदे सहमतिमा ८ वटा प्रदेशहरुको नाम र सीमांकन पछि तय गरिने भनिए पनि संविधान मस्यौदा समितिले ८ प्रदेशको मूलभूत खाका तयार पारेको छ ।

समितिले आइतबार पारित गरेको मस्यौदा अनुसार अब देशभरिका ८ वटा प्रदेशमा प्रादेशिक सरकारका मन्त्रीहरुको कुल संख्या १६० भन्दा बढी हुने छैन ।

यसरी बन्ने भो ८ प्रदेशको संरचना

कुल ३७ भाग र २९६ धारा रहेको प्रस्तावित संविधानको भाग १६ मा प्रादेशिक व्यवस्थापिकाको प्रावधान राखिएको छ । प्रदेशको व्यवस्थापिका एक सदनात्मक हुने छ भने यसको सदस्य संख्या न्यूनमत २१ देखि अधिकतम ४२ जनासम्म हुनेछ ।

इन्टरनेट जाएन्ट गुगलले विश्वभरि नै निशुल्क रुपमा वाइफाइ इन्टरनेट उपलब्ध गराउने योजना बनाएको छ । यसको सुरुवात तथा परीक्षणका रुपमा गुगलले अमेरिकाको न्युयोर्कमा फ्री वाइफाइ सेवा सुरु गर्दैछ ।
विश्वमा निःशुल्क वाइफाइ उपलब्ध गराउने आफ्नो योजनालाई मूर्तरुप दिन गुगलले एक अलग्गै कम्पनी खोलेको छ । उक्त कम्पनीको नाम हो, साइडवाक ल्याब्स । गुगलको यो कम्पनीले न्युयोर्कमा अन्त्यन्तै तिव्रगतिको इन्टरनेट उपलब्ध गराएका दुइवटा अन्य कम्पनी खरीद गर्ने तयारीमा छ ।

निशुल्क इन्टरनेट उपलब्ध गराउने कामलाई कार्यरुप दिन गुगलले न्युयोर्कस्थित बिक एप्पलको पूरानो फोन बुथको प्रयोग गर्दैछ । उक्त परियोजनाका लागि यस्तै प्रकारका १० हजार फोन बुथ प्रयोग गर्ने गुगलको तयारी छ ।

गुगलले ती फोन बुथहरुमा आवश्यक परिवर्तन गर्नेछ । त्यसबाट उसले केवल निशुल्क वाइफाइ मात्र होइन मानिसहरुलाई आफ्नो मोबाइल फोन चार्ज गर्ने सेवा पनि उपलब्ध गराउने बताइएको छ । त्यसका साथै ती बुथहरुबाट मानिसहरुले नि:शुल्क डोमेस्टिक फोन कल समेत गर्न पाउनेछन् ।

गुगलको योजना यत्तिमा मात्र सिमित कहाँ छ र ? उसले ती फोन बुथहरुमा टचस्क्रिन हाल्नेछ । जसको माध्यमबाट मानिसहरु सहरका महत्वपूर्ण ठाउँ तथा यातायात सेवाहरुको बारेमा पनि जानकारी प्राप्त गर्न सक्नेछन् ।

ब्लुमबर्ग न्यूजका अनुसार आगामी जाडो याम अगाडि नै न्युयोर्कमा नि:शुल्क वाइफाइ लगायतका सेवा उपलब्ध गराउने ती फोनहरु संचालनमा आउनेछन् । उक्त ट्रायल सफल भएसँगै गुगलले  परियोजनालाई विश्वका अन्य सहरमा पनि विस्तार गर्ने योजना बनाएको छ ।

समान्तया नङलाई सुन्दरतासँग जोड्ने गरिन्छ । सुन्दर नङ हुनेलाई स्वस्थ भने मान्न नसकिने एक अध्यनले देखाएको छ । नङमा आउने सामान्य परिवर्तनले पनि हाम्रो स्वास्थ्यमा समस्या हुन लागेको संकेत गर्ने विज्ञहरुले बताएका छन् ।

नङ निली रंगको हुँदै गयो भने शरीरमा अक्सिजनको कमी भएको बुझ्नु पर्छ । यसले फोक्सोमा समस्या भएको संकेत गर्छ । कुनै पनि ब्यक्तिको नङको रंग निलो छ भने यस्ता ब्यक्तिलाई मुटुको समस्या हुन सक्ने वा फोक्सोमा समेत समस्या हुन सक्छ । यदि नङ लामा भएपछि औंला तिर नै फर्किन थाल्छन् भने यसले पनि शरी स्वस्थ नभएको संकेत गर्छ ।
त्यस्तै जुन ब्यक्तिका नङ गुलावी र सफा हुन्छन् त्यस्ता ब्यक्तिको स्वास्थ्यमा समस्या हुन सक्छ । यस्ता नङ भएका ब्यक्तिलाई चिनीरोग अर्थात मधुमेहको पनि डर हुन्छ । कुनै पनि ब्यक्तिको नङ गोलो आकारको छ भने त्यस्ता ब्यक्तिलाई स्वास प्रश्वास सम्बन्धी समस्या हुन सक्छ । यस्ता नङ हुनेलाई फोक्सो सम्बन्धी समस्या समेत हुन सक्छ ।
त्यस्तै कुनै पनि ब्यक्तिका नङ धब्बा र रेखा कोरिएका छन् तर लालिमा युक्त छन् भने त्यस्ता ब्यक्ति धनी हुन्छन् । नङको आकार ‌औंलाको टुप्पो भन्दा आधा आकारको छ भने त्यस्ता नङ सबै भन्दा राम्रा मानिएका छन् ।

पहेंलो रंगका नङ हुने पुरुष नपुङ्षक हुने सम्भावना हुन्छ ।

श्रम तथा रोजगार मन्त्रालयले म्यानपावर ब्यवसायीको दबाबका बाबजुद असार २१ गतेदेखि खाडीका ६ मुलुक र मलेसियामा ‘फ्री भिसा,फ्री टिकट’ ब्यवस्था लागू गर्ने भएको छ ।

बुधवार वैदेशिक रोजगार प्रवर्द्धन बोर्डले सार्वजनिक सूचना जारी गरी २१ गतेदेखि यी सात मुलुकमा निःशुल्क भिसा र टिकट अनिवार्य गरेको छ ।

जेठ २६ गते श्रम तथा रोजगार मन्त्रालयले बहराइन, कतार, साउदी अरब, संयुक्त अरब इमिरेट्स (यूएई), ओमान, कुबेत र मलेसिया जाने नेपाली कामदारका लागि रोजगारदाता कम्पनीले भिसा, आउनेजाने हवाई टिकटको खर्च ब्यहोर्ने र कामदारको तलबबाट कुनै पनि खर्च नकटाउने सर्तमा मात्र श्रम स्वीकृति दिने निर्णय गरेको थियो । यो ब्यवस्था असार २१ गतेदेखि लागू हुने बोर्डको वेबसाइटमा उल्लेख छ ।

वैदेशिक रोजगार ब्यवसायीले यो निर्णयबाट माग घट्ने भन्दै प्रधानमन्त्री सुशील कोइरालालगायत शीर्ष नेतासँग निर्णय फिर्ताको लविङ गरिरहेका छन् । असार १७ गते हुने वैदेशिक रोजगार ब्यवसायी संघको चुनावी मुद्दा नै ‘फ्री भिसा फ्री टिकट’ हुने भएको छ । कारोबार दैनिकमा खबर छ ।,,

अनलाइनखबर बाट
अरुण बराल /टिप्पणी
 अमेरिकी राष्ट्रपति बाराक ओबामाले यसैसाता भनेका छन् कि अमेरिकी नागरिकहरुको डीएनएमै नश्लवाद छ । तर, नेपाली नेताको चाँहि डीएनमै ‘भ्रष्टाचार’ रहेको प्रमाण भीआइपीको सुविधा बढाउने विधेयकले दिएको छ ।
भूकम्पमा हजारौं नागरिकको मृत्यु भएको छ, दशौं हजार घाइते भएका छन्, लाखौं जनता घरबारविहीन भएका छन् । मुलुकमा पैसा नभएकाले महंगो खर्चमा दातालाई बोलाएर सिंगै मुलुक मगन्ते बन्नु परिरहेको छ । यस्तो बेलामा भीआइपीको सुविधा बढाउने कालो विधेयक कसले ल्यायो होला ? को होला हजुर, यस्तो जनविरोधी नीतिको महान सर्जक ?

मुख्यसचिव लीलामणि पौडेलले हुँदैन भन्दाभन्दै गृहमन्त्रालयले यस्तो विधेयक अघि बढाएको भनिएको छ, के वामदेव गौतम नै हुन् त गरीब देशका नेतालाई धनी बनाउन खोज्ने कम्युनिष्ट नेता ? के यही हो त एमालेको देखिने र सुनिनेखालको बहुदलीय जनवाद ? यो चानचुने एवं कम गम्भीर प्रश्न होइन आम नेपालीका लागि ।
पञ्चायतकालको अन्त्यपछि चप्पल लगाएर सिंहदरबार पसेका नेताहरुमा अझैसम्म पनि जनउत्तरदायी चरित्रको विकास हुन सकेको छैन र यिनीहरु मौका पाउनासाथ देशको ढुकुटीमा रजाइँ गर्न थालिहाल्छन् भन्ने कुराको उदाहरण बनेको छ यो विलासी विधेयक ।
मान्छे मरेका बेलामा त यसरी नेताहरुले खानै खोज्छन् र देशलाई लुट्ने योजना बनाउँछन् भने यिनीहरु सुध्रिएलान् र अब देशको पुनर्निर्माण होला, नवनिर्माण होला भनेर आशा गर्नु भनेको आफैंलाई मूर्ख बन्न सहयोग पुर्‍याउनुमात्र हो ।
नेपालमा अहिलेको यही नेतृत्वबाट देश उँभो लाग्ने होइन, झनै रसातलतिर भासिने प्रष्ट देखिएको छ । विदेशी दाताले बरु पत्याउलान्, तर, नेपाली जनताले पत्याउने व्यवहार नेताहरुले देखाउन सकेनन् । भूकम्पपछि नेताहरु झन नांगिएका छन् । यो कुनै आक्रोश होइन, मुलुकको यथार्थ हो । नेताहरुले जनतालाई जे गरे पनि हुने रैती सम्झिइरहेका छन् ।
भूकम्पको धक्कापछि पनि नेताहरु सुध्रिएका छैनन् । यिनीहरुको डीएनएमै लुट र भ्रष्टाचारले जरा गाढेको छ । यसलाई शिद्ध गर्ने केही स्वयंसिद्ध प्रमाणहरु नै पेश गर्न सकिन्छ :
प्रमाण नम्बर एक
अहिले देशमा भूकम्पपीडितका लागि ठूलो रकम चाहिएको छ । यस्तो बेलामा राज्यले गर्नुपर्ने पहिलो काम भनेको भीआइपीहरुको खर्च कटौती हो । अनावश्यक खर्चहरु घटाउने र कम सुविधा लिएर नेताहरुले देशका लागि योगदान गर्ने बेला हो यो ।
धेरैले अनुमान गरेका थिए कि यस्तोबेलामा शासकहरुले आफ्नो खर्चमा कटौती गर्नेछन् । पूर्वप्रधानमन्त्री, पूर्वन्यायाधीश र पूर्वमन्त्री एवं बहालवाला मन्त्रीहरुले आफ्नो खर्च घटाउनेछन् र जनतालाई यो सन्देश दिनेछन् कि हामीले यसरी खर्च कटौती गरेका छौं, अब हामीलाई पत्याउनोस् र प्रधानमन्त्री कोषमा योगदान गर्नोस् । तर, सती र भीमसेनले सरापेको देशमा उल्टो भयो ।
नेताहरुले खर्च कटौती गर्नुको साटो उल्टै भीआइपीहरुलाई राष्ट्रको ढुकुटीबाट विलासी सुविधा प्रदान गर्ने विधेयक पो बनाए ।
समयले मागेको थियो, सुविधा र खर्च कटौती, तर एमाले उपाध्यक्ष वामदेवको नेतृत्वमा रहेको गृहमन्त्रालयले उल्टो काम गर्‍यो ।
हाम्रा नेता र प्रशासकको बुद्धि सुल्टो घुम्दैन र जनताको पक्षमा छैन भन्ने कुराको प्रमाण खोज्न अब अन्त कहाँ जानु ?
यो घटना हाम्रा नेताहरुको सामान्य भूल होइन, नेपाली जनतामाथि गर्न खोजिएको ठूलो अपराध हो । राष्ट्रिय अपराधको उद्योग हो यो । भलै यसलाई सभामुख सुवासचन्द्र नेम्वाङले तत्कालका लागि ब्रेक लगाइदिएका छन् ।
प्रमाण नम्बर दुई
भूकम्प पीडितहरुका लागि किनिएको राहतमा शहरी विकास मन्त्रालयले ठूलो मात्रामा घोटाला गर्‍यो । कांग्रेस नेता डा. नारायण खड्काको नेतृत्वमा रहेको मन्त्रालयमार्फत् त्रिपाल किन्दा होस् या किनिएका त्रिपालहरु बाँड्दा, यसमा धेरै ठूलो हिनामिना भएको छ । तैपनि कसैमाथि कारवाही भएन ।
प्रधानमन्त्री सुशील कोइरालाले राहतमा भ्रष्टाचार गर्नेलाई जेल हाल्छु भनेका थिए, अहिलेसम्म कुनै भ्रष्टाचारीले जेल जानुपरेन । छिमेकी मुलुक चीनमा यसरी जनताको छातीमा गीर खेल्नेले मृत्युदण्ड पाइसक्थ्यो । तर, नेपालमा त राहतको जस्तापाता भ्रष्टाचार गरेको अभियोगमा राजीनामा दिनेहरुलाई कृषि विकास बैंकको सल्लाहकार समितिमा राखिएको छ । दण्ड त अर्को लोकमा मात्रै होला ।
राहतमा भ्रष्टाचार गर्ने, जस्तापाता र त्रिपाल लुटेर रातारात पैसा कमाउनेहरु सरकारको संरक्षणमा छन् । यस्ताले अब देश निर्माण गर्छन् भनेर पत्याउने कोही छ भने ऊ मूर्ख मात्रै हुनेछ ।
अहिले असार लागेको छ, भ्रष्टाचारीहरु फेरि सडकमा ग्राबेल गर्दैछन् र विगतमा जस्तै बजेट सक्ने र पैसा कमाउने आफ्नो नियमित कर्ममा लागिरहेका छन् । महाविपत्ति गाउँका जनतालाई मात्रै आएजस्तो भइरहेको छ । दुईसय मीटर बाटो बनाउँदा कमिसन खाने देशमा गुजरात र सिचुआन बनाउने गफ भइरहेको छ ।
प्रमाण नम्बर ३
कार्यपालिका भ्रष्ट भयो भने त्यसलाई समाउने व्यवस्थापिका, न्यायपालिका या अख्तियारलगायतका संरचनाहरु छन् । तर, यतिबेला अख्तियार केही खरदारलाई समातेर बसेको छ । अख्तियारकै अधिकारी भ्रष्टाचारीसँग सेटिङ मिलाएर हिँडेको चियापसलदेखि सिंहदरबारसम्म सुन्न पाइन्छ । सुन्नेका कान गलत हुन् या ती निकाय नै गलत हुन् राम जाने ।
त्रिपाल र जस्ताको अनियमितताबारे संसदीय समितिले बैठक बोलाउँछ, त्यहाँ अण्डा, केराको खाजा खाइन्छ र एउटा औपचारिक निर्णय गरेपछि बैठक सकिन्छ । बैठक बस्दा राज्यलाई थपिने व्ययभारबाहेक संसदले केही लछारपाटो लगाउन सक्दैन । संसदको पसल बन्द गरेर अध्यादेशबाट रणनीतिक महत्वको कानून ल्याइन्छ, सांसदहरु जुम्रा मारेर बस्छन् ।
भ्रष्टाचार गर्ने, अनुगमन गर्ने र दण्ड दिने तीनवटै निकायमा भागशान्ति जयनेपाल गर्ने र रिटायर्डपछि पनि तीनपुस्ताको जोहो गर्न खोज्ने यी निकाय र त्यसमा बसेका नेतृत्वजनले देश बनाउँछन् भन्दा कसले पत्याउला ? के तपाई पत्याउनुहुन्छ ?
प्रमाण नम्बर ४
राजनीतिक नेतृत्व, अख्तियार, सरकार र व्यवस्थापिकासमेत मतिभ्रष्ट भएका बेला जनताले आशा गर्ने अर्को निकाय भनेको अदालत हो । तर, अहिले नेपालका अदालतहरुमा मालपोत र नापी कार्यालयमा जस्तै दिउँसो घुसखोरी चल्न थालेको छ ।
हुँदाहुँदै सर्वोच्च अदालतले समेत सोझो मानिसले समेत थाहा पाउने गरी राणाकालीन फैसला सुनाउन थालेको छ ।
गणतन्त्रले जनताका नाममा ल्याएको पूर्वराजा वीरेन्द्रको अपुताली सम्पत्ति पूर्वराजपरिवारकै नाममा फिर्ता गराउने सर्वोच्च अदालतको फैसला सामान्य घटना होइन । यो छानविन र अनुसन्धानको विषय हो । यो महाअभियोगसमेत लाग्न सक्ने सम्वेदनशील घटना हो ।
प्राकृतिक न्यायको सिद्धान्तलाई पनि खिल्ली उडाउँदै गरिएको यस्तो गणतन्त्रविरोधी फैसलाका कारण अब न्यायालय भष्ट्राचारलाई रोक्ने होइन, भ्रष्टलाई लाइसेन्स दिने संस्थामा फेरिन थालेको स्पष्टै छ ।
यो अवस्थामा अब यिनै सारथीहरुबाट यो देश बनिएला, सुधार होला र भावी पुस्ताका लागि बस्न लायक ठाउँ बन्ला भनेर कसरी आशा र अपेक्षा गर्ने ? जवाफ दिने काम वामदेव गौतमको हो । वरिपरि भ्रष्टहरुबाट घेरिएर जोगी हुँ भन्दै बसेका सुशील कोइरालाको हो । र, ठूलामाछा समात्छु भन्दै सिद्रासमेत समाउन छाडेका लोकमानसिंह कार्कीहरुको पनि हो । भावी प्रधानन्यायाधीश चोलेन्द्रसमशेर जबराहरुको हो । र, यसको जवाफ दिने दायित्व सत्तापक्षले देश लुट्दा पनि फड्के किनारामा हस्ताक्षर गरेर मौन बसेका विपक्षी नेता प्रचण्डको पनि हो ।

आइफोनका पारखीहरुका लागि खुसीको खबर छ । एप्पलले निकट भविष्यमा बजारमा ल्याउने आइफोन ७ यस्तो हुनेछ, जुन विद्यमान स्मार्टफोनहरुको आधारमा हुने कल्पना भन्दा भिन्न हुनेछ ।


समाचार अनुसार आइफोन ७ मा होम बटन हुनेछैन । होम बटन नहुने भएपछि स्मार्टफोनको पूरै फ्न्ट प्यानलमा स्मार्टफोनको स्क्रिन रहनेछ । होम बटन हुने ठाउँमा फिंगरपि्रन्ट सेन्सर हुनेछ, जसका कारण यो आइफोनले निकै अत्याधुनिक तथा अनौठो तरिकाले काम गर्नेछ ।

डिजीटाइम्सका अनुसार आइफोन सेभेनमा एप्पलले नयाँ प्रविधिको प्रयोग गर्दैछ, त्यसको नाम हो टच एण्ड डिस्प्ले ड्राइभर इन्टिग्रेसन अर्थात् टीडीडीआइ सिंगल चिप सोल्यूसन । यो प्रविधि एकिकृत फिंगरपि्रन्ट सेन्सरले युक्त हुनेछ । यो प्रविधिको प्रयोगले आइफोन सेभेनलाई निकै पातलो अर्थात् अस्ट्रा स्लिमका साथै डिस्प्लेलाई अल्ट्रा न्यारो बनाउनका लागि सहयोग मिल्नेछ ।

एप इनसाइडरका अनुसार एप्पलको यो जादुमयी फोन २०१७ सम्ममा बजारमा आउनेछ । एप्पलका कैयन् नयाँ प्रोजेक्टका बारेमा प्रायः सही जानकारी दिने सबैजसो सुत्रहरुले आइफोन सेभेनमा एप्पलले होम बटन हटाएर नयाँ प्रविधिको प्रयोग गर्न लागेको पुष्टि गरेका छन् ।

दाबी गरिएअनुसारको प्रविधिले युक्त आइफोन सेभेन बजारमा आयो भने सेल्फीप्रेमीहरुका लागि यो फोन पहिलो रोजाइको हुनेछ । किनकी आइफोन सेभेनबाट निकै सार्प सेल्फी लिन सकिनेछ । एप्पलले आगामी आइफोनको फ्रन्ट क्यामराको क्षमता विस्तार गर्न लागेको आइओएस नाइनको कोडिङको विश्लेषण गर्ने विज्ञहरुले बताएका छन् ।

आइफोन सेभेनको फ्रन्ट क्यामराबाटै फुल एचडी भिडियो रेकर्ड गर्न सकिनेछ र फ्लास समेत दिन सकिन्छ । आइओएस नाइस फेसटाइम क्यामरालाई १०८० पिक्सेलमा भिडियो रेकर्ड गर्न मद्दत गर्दछ । जबकी आइफोन सिक्स तथा सिक्स प्लसमा ७२० पिक्सेलको फ्रन्ट क्यामरा छ । फ्रन्ट क्यामराको क्षमता विस्तारका कारण आइफोन सेभेनबाटै प्यानोरेमिक सेल्फी लिन सकिनेछ ।

आइफोन सेभेनमा फोर्स टच प्रविधि हुनेछ जसले एप्स प्रयोगलाई अझै सहज बनाउनेछ । यो प्रविधिलाई एप्पलले म्याकबुकमा प्रयोग गरिसकेको छ । यो प्रविधि अनुसार यदि तपाइँले फोनको स्क्रिनमा केही सेकेण्डसम्म थिचिरहनुभयो भने फोनले बुझ्नेछ की तपाइँ फोन मेनुमा जान चाहनुहुन्छ । अनि आइफोनको स्त्रिmनमा फोन मेनु देखिेनछ ।

श्रोतका अनुसार आइफोन सेभेनमा ए नाइन प्रोसेसर, २ जिबी र्याम हुनुका साथै १२ मेगापिक्सेलको पछाडिको क्यामरा रहने बताइएको छ । श्रोतका अनुसार आइफोन सेभेनमा एप्पल वाचमा जस्तै आल्मुनियम तथा रोज गोल्डको प्रयोग गरिनेछ । -एजेन्सी

खेलहरुले पनि हाम्रो स्वास्थ्यलाई फिट र तन्दुरूस्त राख्न मद्धत गर्छ । हामीले खेल खेल्दा हाम्रो शरिरका माशंपेशीहरू बलियो हुने र शरिरलाई मजबुत बनाउन सहयोग गर्नुका साथै स्वस्थ रहन समेत मद्धत गर्छ ।



शारीरिक व्यायाम मात्र गर्नुभन्दा खेल खेल्नु शरिरका लागि राम्रो मानिन्छ । व्यायामका क्रममा शरिरका सबै भागलाई एकसाथ सञ्चालन गर्न नसकिने पनि हुन सक्छ तर, खेल खेल्दा भने शरिरका सम्पूर्ण भागलाई सक्रिय बनाउनुपर्ने हुनाले पनि व्यायाम भन्दा पनि खेललाई शरिर स्वस्थ र तन्दुरूस्त राख्ने सहज माध्यमको रुपमा लिन सकिन्छ । तर, सबै खेलबाट भने शरिरका सबै भागलाई सक्रिय बनाउन भने सक्दैन । शरिरका सबै भागलाई सक्रिय बनाउँदै शरिरको मांशपेशीलाई बलियो बनाउने र स्वस्थ बनाउनका लागि केही खेलहरू निकै फाइदाकर हुन्छन् ।



१. गल्फः विषेशगरी बालबालिकाका लागि गल्फ निकै राम्रो खेल हुन सक्छ । गल्फ खेल्दा बालबालिकाले गल्फ प्रहार गर्दा गर्नुपर्ने स्विङ, टाढासम्म हेर्ने प्रयास गर्दा र खेललाई सहज र सही तरिकाले सम्पन्न गर्ने सोच ल्याउँदा यसले शरिरलाई फाइदा पुर्याउँछ । स्विङले शरिरको प्राय सबै भागलाई सक्रिय बनाउँछ भने टाढाको दृश्य हेर्नु पर्ने भएकाले र टाढाको लक्ष्य तय गर्नुपर्ने भएकाले फोकसलाई पनि निकै फाइदा पुर्याउँछ ।



२. क्रिकेटः क्रिकेटले स्टामिना बृद्धी गर्न मद्धत गर्नुका साथै सहकार्य, सञ्चार र फोकस हुन समेत मद्धत गर्छ ।



३. फुटबलः फुटबलले मानसिक तथा शारीरिक रूपमा सबल बनाउन मद्धत गर्छ । फुटबल खेल्दा समस्या समाधान गर्ने क्षमतामा बृद्धी हुनुका साथै, योजना बनाउने, त्यसलाई सञ्चालन गर्ने तथा सिक्ने क्षमतामा बृद्धी गर्छ ।



४. ह्याण्डबलः ह्याण्डबल जहाँ पनि खेल्न सकिने खेल हो । यसले बालबालिकामा समन्वय, सामाजिक भावनाको निर्माण गर्न मद्धत पुर्याउँछ ।



५. भलिबलः भलिबलले मानिसको मष्तिष्कलाई ताजा राख्ने, मोटिभेसन र एकाग्रतालाई निकै सहयोगी हुन्छ ।

यी  तस्विर हेर्नुहोस् जो अरू मानिसहरूको तिरस्कृत दृष्टि सहेर बस्दथे-

१. सिल्जिए
 ३ मिग्नन, द पेन्गुइन गर्ल

जुस धेरै पिउँदा हाम्रो स्वास्थ्यमा नकारात्मक प्रभाव पनि पर्ने शोधले देखाएको छ । जुस लगायतका विभिन्न पेय पदार्थको नियमित सेवन गर्ने तर अन्य खाना कम खानेहरुलाई दाँतमा समस्या हुन सक्ने चिकित्सकहरुले बताएका हुन् ।

 ‘गल्लीमा भेटिएका साना बालबालिकासमेत आयो आयो र गयो गयो भनेपछि हामी सबै हल्लिएको अनभूति गर्छौं,’ भूकम्पको भय साझा अनुभूति भएको उल्लेख गर्दै साहित्यकार ध्रुवचन्द्र गौतम भन्दै थिए, ‘भूकम्पको हल्लाखोरीभन्दा हप्तौं पालमुनि गुजारेका रातहरू र दिनलाई हाम्रा साहित्यमा उतार्न जरुरी छ।’ 

विश्वसम्पदा सूचीमा रहेका भक्तपुरका ऐतिहासिक दरबार स्क्वायरलगायत क्षेत्र घुमेपछि साहित्यकार गौतमले उक्त अभिव्यक्ति दिएका हुन्। स्रष्टाहरूले बुधबार कुमाले टोल, पाँचतले टौमढी, दत्तात्रय र बाटामा पर्ने ध्वस्त पुराना घरहरूको अवलोकन गरेका थिए। नेपाल प्रज्ञा प्रतिष्ठान र सिर्जना अभियान भक्तपुरको आयोजनामा स्रष्टा जुटेका हुन्। ‘भूकम्पबाट प्रभावित भक्तपुरको स्थलगत भ्रमण तथा लेखक अनुभूति विषयक सिर्जनात्मक गोष्ठी’ नाम दिइएको कार्यक्रममा तीन दर्जन स्रष्टा सहभागी थिए। 

‘भूकम्प प्राकृतिक विषय हो, मैले यसलाई ऊर्जाको रूपमा लिएको छु,’ भक्तपुरकै बासिन्दा ८० वर्षीय संस्कृतिविद् तेजेश्वरबाबु ग्वंग:ले भने, ‘हाम्रा पुर्खाले सिर्जेका ऐतिहासिक सम्पदाहरू र हामीले बनाएका घर तथा संरचनाहरू ध्वस्त भएका छन् र अब नयाँ सिर्जना हुनेछ।’ 

भक्तपुरकै युवा संस्कृतिकर्मी ओम धौभडेलले सबै स्रष्टाहरूलाई स्थलगत अवलोकनका क्रममा स्थितिबारेमा जानकारी दिए। ‘हिजो भक्तपुर सहरको इज्जतका रूपमा चिनिने प्रत्येक मठमन्दिर, दरबार सम्पदाको विषयमा जानकारी दिन सक्थें,’ उनले भने, ‘तर आज मैले ती सबै सम्पदाको विषयमा भन्दा पनि यसपटक भूकम्पले तहनहस क्षति पुर्‍याएको सम्पदाकै विषयमा मात्र जानकारी दिन पाएँ। यो मेरो दुर्भाग्य हो।’ महाभूकम्पबाट केही वर्षअघि मात्र जीर्णोद्धार गरिएका दरबार स्क्वायर क्षेत्रको पचपन्न झ्याले दरबार र पाँचतले न्यातपोल मन्दिरमात्र बचेका छन्।

साहित्यकार भुवन ढुंगाना भूकम्पलाई त्रास नमानेर ऊर्जाका रूपमा लिन चाहँदा पनि मनलाई स्थिर बनाउन नसकेको बताइन्। ‘भूकम्पपछि के लेख्ने, कसरी लेख्ने भन्ने मन एकाग्र गर्न नसकेको बेला, भक्तपुरको स्थलगत निरीक्षण गर्न पाएपछि ऊर्जा जुटेको छ,’ उनले भनिन्।

‘भूकम्पको स्वाद धित मरुन्जेल चाखें,’ व्यंग्यचेतका समालोचक मोहनराज शर्माले भने, ‘अब फेरि चाख्न नपरोस्।’ भूकम्पले नेपाली साहित्यका सबै विधालाई प्रभावित तुल्याउने उल्लेख गर्दै उत्तरआधुनिक समालोचनाअन्तर्गत ‘अधिकार समालोचना सिद्धान्त’ का निम्ति विशेष सिर्जना, अध्ययन, लेखन गर्न जोड दिए। ‘अधिकार समालोचना सिद्धान्त विशेष सीपका लागि भूकम्पसँग गाँसिएका रचना आउँछ,’ शर्माले भने, ‘यसको निम्ति नेपाल प्रज्ञा प्रतिष्ठानले स्रोत सञ्चालन गर्नुपर्छ किनभने केही दशक नेपाली साहित्यमा भूकम्पीय साहित्य आउँछ।’

पाका स्रष्टा नगेन्द्रराज शर्मा भुइँचालोको धक्का जति तेजिलो रह्यो त्योभन्दा धेरै राहतको भुइँचालोले नेपाली स्वाभिमानमा धक्का दिएको बताए। ‘यो भयंकर भूकम्पबाट बाँचियो,’ उनले भने, ‘राहतमाथि भएको हाम्रा नेता र नागरिकको नियतको भुइँचालो कम सानो लागेन।’ 

सांस्कृतिक मानवशास्त्रको चर्चा गर्दै भिक्टर प्रधानले महाभूकम्पपछि अब हरेक जात्रा, सांस्कृतिक गतिविधिहरूसमेत पहिलेकै जसरी सुचारु रहन नसक्ने बताए। 

गोष्ठीमा प्रतिष्ठानका उपकुलपति डा. विष्णुविभू घिमिरे, साहित्यकार शारदा शर्मा, ज्ञानु पाण्डे, श्रवण मुकारुङ, मातृका पोखरेल, श्रीओम श्रेष्ठ रोदन, रोचक घिमिरे, गीता त्रिपाठी, रजनी ढकाल, गायत्री विष्ट, ध्रुव मधिकर्मी, राम विनय, कुमारप्रसाद कोइराला, सन्ध्या पहाडी, वियोगी बुढाथोकी, रामप्रसाद पन्तसमेत सहभागी थिए।